|
Умумий шинали коммутаторларда портлар процессорлари вақтни ажратиш иш тартибида ишлатиладиган юқори тезликли шина орқали уланади. Бундай архитектурага мисол 5.34-расмда келтирилган. Шина коммутатор ишини блокировкаламаслиги учун унинг унумдорлиги коммутатор барча портларининг унумдорликлари йиғиндисига тенг бўлиши керак.
Портлар орасида кадрларни узатиш, умуман уларни узатишда кечикиш киритмасдан паралелл иш тартибида амалга оширилиши учун кадр шина бўйича бир неча байтларда, унча катта бўлмаган қисмларда узатилиши керак. Бундай маълумотлар ячейкасининг ўлчами коммутаторни ишлаб чиқарувчи томонидан аниқланади.
Процессорнинг кириш блоки жўнатиш портининг номери кўрсатиладиган тег шина бўйича ўтказиладиган ячейкага жойлаштирилади. Порт процессорининг ҳар бир чиқиш блоки шу портга мўлжалланган тегни танлайдиган теглар фильтридан иборат. Шина коммутацион матрица каби оралиқ буферга жойлаштиришни амалга оширолмайди, лекин кадрнинг маълумотлари унча катта бўлмаган ячейкаларга бўлинганлиги сабабли чиқиш портига бошланғич кутишли рухсат этишга кечикиш бундай схемада йўқ, бу ерда каналлар эмас, пакетлар коммутацияси принципи ишлайди.
Фойдаланувчи фильтрлари тармоқнинг алоҳида хизматларига маълум фойдаланувчилар гуруҳларига рухсат этишни чеклашга имкон берадиган кадрлар йўлига қўшимча тўсиқларни яратиш учун мўлжалланган.
МАС-манзиллар асосидаги фойдаланувчи фильтрлари оддийроқ ҳисобланади. МАС-манзиллар коммутатор улар билан ишлайдиган ахборотлар, манзилли жадвалнинг қўшимча майдонида баъзи шартларни қўйиш билан маъмурга қулай шаклдаги бундай фильтрларни яратиш имкониятини беради. МАС-манзилли маълумотлари бор компьютерда ишлайдиган фойдаланувчига бундай услуб билан тармоқнинг бошқа сегмент ресурсларига рухсат тўлиқ таъқиқланади.
5.14. Коммутаторларнинг конструктив бажарилиши ва техник параметрлари
Коммутациялаш операцияларини тезлаштириш учун бугунги кунда барча коммутаторлар буюртмали махсуслаштирилган КИС лар коммутациянинг асосий операцияларини бажариш учун оптималлаштирилган ASIC лардан фойдаланмоқда. ASIC (Application-Specific Integrated Circuit) интеграл схемаси тармоқ адаптерлари ва коммутаторларда кенг қўлланилади, МАС поғонаси вазифасини ва кўп сонли юқори поғонали вазифаларни бажаради. Бундай вазифалар тўпламига олисдаги (удаленного) мониторинг агентини қўллаб-қувватлаш, кадрларнинг навбатлаш схемалари, компьютерни масофадан бошқариш вазифалари киради. Кенг тўпламли сервис хизматлари мавжуд йирик тармоқлар коммутаторларида дастурланадиган имкониятга эга процессор ишлатилади. Кўпинча битта коммутаторда бир неча махсуслаштирилган КИС лар бўлиб, улардан ҳар бири операцияларнинг функционал тугалланган қисмларини бажаради. Коммутаторнинг муваффақиятли ишлаши учун у процессорли микросхемалардан ташқари, портлар процессорли микросхемалар орасида кадрларни узатиш учун тезкор ишлайдиган алмашиш қурилмага эга бўлиши керак.
Ҳозирги вақтда коммутаторларда алмашиш боғламаси қуйидаги схемотехник ечимлар асосида қурилади:
коммутацион матрица кўринишида;
“умумий шина” схемаси бўйича;
ажратиладиган кўп киришли хотира кўринишида.
Кўпинча бу учта схемалар битта коммутаторда комбинацияланади. Бу қуриш вариантларининг ҳар бирини атрофлича кўриб чиқамиз.
Ажратиладиган хотирали коммутаторлар архитектураси портлар ўзаро ишлашининг учинчи асос архитектураси ҳисобланади(5.35-расм).
Портлар процессорларининг чиқиш блоклари ажратиладиган хотиранинг қайта уланадиган П1 кириши билан, бу процессорларнинг чиқиш блоклари эса, ажратиладиган хотиранинг қайта уланадиган П2 кириши билан уланади. Ажратиладиган хотиранинг кириш ва чиқишини қайта уланишини портларни бошқариш блоки (чиқиш портлари навбатлари менежери) бошқаради. Ажратиладиган хотирада менежер маълумотларни бир неча навбатларини, ҳар бир чиқиш порти учун биттадан бўлган навбатларни ташкил этади. Процессорларнинг кириш блоклари портлар менежерига кадрнинг жўнатиш манзили мос келадиган муайян портнинг маълумотларни ёзиш навбатига сўровни узатади. Менежер навбат билан хотиранинг киришини процессорлар кириш блокларининг бирини улайди, у кадр маълумотларининг бир қисмини маълум чиқиш портининг навбатига ёзади. Навбатларнинг тўлиши бўйича менежер, шунингдек, ажратиладиган хотира чиқишини портлар процессорлари чиқишларига навбатма-навбат улашни амалга оширади ва навбатлардаги маълумотларни процессорнинг чиқиш блокига ёзади.
Менежер билан алоҳида портлар орасида ихчам тақсимланган умумий буферли хотиранинг қўлланилиши порт процессори буфер хотирасига қўйиладиган талабларни камайтиради. Бироқ у коммутаторнинг N портали орасида маълумотларни алмаштиришнинг зарур тезлигини қувватлаш учун етарлича тезкор ишлайдиган бўлиши керак.
Ҳар бир баён этилган архитектуралар ўз афзалликлари ва камчиликларига эга, шунинг учун кўпинча мураккаб коммутаторларда бу архитектуралар бир-бирлари билан комбинацияларда қўлланилади. Бундай комбинацияга мисол 5.36-расмда келтирилган.
Коммутатор коммутацион матрица архитектурасини ишлатадиган, махсуслаштирилган КИС асосида йиғилган қайд этилган портлар (2 дан 12 гача) модулларидан ташкил топган. Агар ораларида маълумотлар кадрининг узатилиши керак бўлган портлар бир модулга тегишли бўлса, у ҳолда кадрни узатиш модулдаги коммутацион матрица асосида процессор орқали амалга оширилади. Агар портлар турли модулларга тегишли бўлса, процессорлар умумий шина бўйича мулоқот қилади. Бундай архитектурада модул ичида кадрларни узатиш модуллараро узатишга нисбатан тезроқ амалга ошади, чунки коммутацион матрица тезроқ ишлайди. Коммутаторлар ички шиналарининг тезлиги секундига бир неча гигабитларга, қувватлироқ моделларнинг тезликлари эса секундига бир неча ўнлаб гигабитларга етиши мумкин.
Do'stlaringiz bilan baham: |
