М. М. Мусаев компьютер тизимлари ва тармоқлари

Трафикни фильтрлаш. Коммутаторларнинг кўплаб моделлари маъмурларга манзилли жадвал ахборотларига мос кадрларни фильтрлашнинг стандарт шартлари билан бир қаторда уларни фильтрлашнинг қўшимча шартларини таъминлаш имкониятини беради.
Қисман кўриб чиқилган 5.31-расмдаги коммутацион матрица портлар процессорларининг ўзаро ишлашининг энг оддий усулини таъминлайди, айнан бу усул маҳаллий тармоқларнинг биринчи ишлаб чиқарилган коммутаторларида ишлатилган. Бундай турдаги матрицанинг камчилиги коммутатор портлари сонининг ортиши билан схема мураккаблигининг кескин ортиши ҳисобланади.
Саккизта портлар учун коммутацион матрицанинг бўлиши мумкин бўлган ишлатилиш вариантларидан бирининг батафсил кўриниши 5.33-расмда келтирилган. Портлар процессорларининг кириш блоклари коммутаторнинг манзилли жадвалини кўриб чиқиши асосида жўнатиш манзили бўйича чиқиш портининг номерини (тартиб рақамини) аниқлайди. Бу ахборотни улар махсус ёрлиқ – тег кўринишида дастлабки кадрнинг байтларига қўшади. Мазкур мисол учун тег чиқиш порти номерига мос келадиган оддий 3-разрядли иккилик сон ҳисобланади.

Матрица ўз киришини тег бити қийматига боғлиқ равишда икки чиқишлардан бирига улайдиган иккилик қайта уловчиларнинг учта поғоналаридан иборат. Биринчи поғона қайта уловчилари тегнинг биринчи бити, иккинчиси тегнинг иккинчи бити, учинчиси эса тегнинг учинчи бити билан бошқарилади.

Матрица бошқа турдаги комбинацион схемалар асосида тузилган бўлиши мумкин, лекин унинг ўзига хос хусусияти барибир физик каналларни коммутациялаш технологиясида қолади. Бу технологиянинг маълум камчилиги коммутацион матрица ичкарисида маълумотларни буферга жойлаштиришнинг йўқлиги ҳисобланади. Агар таркибий каналнинг чиқиш портини ёки оралиқ коммутацион элементнинг бандлиги туфайли қуриб бўлмаса, бу ҳолда кадрни олган кириш блокида йиғиш керак. Бундай матрицаларнинг асосий афзалликлари юқори коммутациялаш тезлиги ва интеграл микросхемаларда ишлатилиши қулай бўлган доимий структура ҳисобланади. Лекин, матрица ишлатилгандан кейин КИС таркибида яна бир камчилик коммутацияланадиган портларнинг сонини оширишнинг мураккаблиги пайдо бўлади.