M. M. Abralov payvandlash materiallari

Payvandlash uchun kukunli sim

Uglerodli va kam legirlangan po‗latlarni payvandlashga mo‗ljallangan simlar eng ko‗p qo‗llaniladi. Legirlangan po‗latlar, cho‗yan, rangli metall va qotishmalarni payvandlashda ishlatiladigan kukunli sim uncha ko‗p bo‗lmagan miqdorda ishlab chiqariladi. Vaqtin- chalik qarshiligi 900MPa gacha bo‗lgan uglerodli va kam legirlangan po‗latlarni payvandlashga mo‗ljallangan kukunli simlarning tasnifi,

navlari va ularga qo‗yiladigan texnik talablar ГОСТ 26271-84 bilan bel- gilab qo‗yiladi.
Kukunli payvandlash simi ishlatilish sharoitiga ko‗ra karbonad angidrid gazida yoki gaz aralashmalarida payvandlashda foydalaniladigan gaz bilan himoyalab (ГЗ) hamda qo‗shimcha himoyasiz payvandlashga mo‗ljallangan o‗zi himoyalovchi (ПС) payvandlash simlariga bo‗linadi.
Payvandlashning joiz fazoviy holatlari va payvand chokning shakllanish shart-sharoitiga muvofiq sim vertikal tekislikda pastki (N), pastki va gorizontal (Г) holatda; vertikal tekislikda pastki, gorizontal va vertikal (В) holatda; hamma holatlarda (У); vertikal tekislikda chok majburiy shakllantiriladigan gorizontal (ГП) holatda; chok majburiy shakllantiriladigan vertikal (В) holatda; chok majburiy shakllantiriladigan barcha (УП) holatlarda payvandlash simlariga ajratiladi.
Eritib qoplangan metallning kimyoviy tarkibiga binoan kukunli sim A, В, С toifalarga bo‗linadi (3.1-jadval).


3.1- jadval

Kukunli payvandlash simlarining toifalari, kimyoviy tarkibi, %

Toifasi	C	S	P
A	0,15	0,03	0,03
В	0,15	0,04	0,04
С	0,25	0,03	0,03

Kukunli payvandlash simiga oid amaldagi standartda simlarni 15 xil diametrda ishlab chiqarish nazarda tutiladi (3.2-jadval).

3.2-jadval