M. Dáwletov, e. Dáwenov, D. SeyDUllAevA

tigilgen  bul  portfeldiń  ashılıp  jawılǵanda  shırt  etetuǵın 
jıltırawıq  temirden  islengen  qulpı  bar  edi.  Oǵan  qosımsha 
mayda  zatlar  salatuǵın  qaltası  da  bar.  Bir  sóz  benen 
sıpatlaǵanda,  qádimgi  mektepke  alıp  baratuǵın  oqıwshınıń 
portfeli.  Hámme  nárse  áne  usınnan  baslanadı.
Atası  bul  portfeldi  kóshpeli  avtolavkadan  satıp  aldı.  taw-
daǵı  sharwalar  ushın  kerekli  zatlardı  alıp  júretuǵın  avtolavka 
San-tash  ańǵarında  otırǵan  bajbannıń  úylerine  hárdayım 
qayırılıp  ótetuǵın  edi.
Tap  usı  jerden  baslap  ańǵardıń  baǵdarı  menen  tawǵa 
qaray  sozılıp  ketetuǵın  qorıq  toǵay  baslanadı.  Ol  jerde  tek 
bolǵanı  úsh  xojalıq  bar.  Sonda  da,  avtolavka  anda-sanda 
úylerdiń  tusında  irkilip  ótedi.  (Sh.A.)
http://eduportal.uz

---

44
58-shınıǵıw.  Berilgen  gáplerdi  kóshirip  jazıń.  Jay  sóz  dizbek-
leriniń  astın  sızıp,  olardı  baǵınıńqılı  baylanıs  túrlerine  ajıratıp 
aytıp  beriń.
Qońıratqa  kirgen  jerde  Xiywa  úlgisinde  eki  ǵubbalı 
minar  salınǵan.  Olardıń  ortasınan  eki  arba  teńnen  sıyǵanday 
dárwaza  qurılǵan.  Esik  aldında  jipek  shapan  menen  aq 
shógirme  kiyinip,  qılısh  asınǵan  nókerler  náwbetshilik  etedi. 
Qalaǵa  kúnine  birneshe  kárwanlar  kelip,  júk  tiyelgen  túyeniń 
qońırawları  uzaqtan  jańlap  esitiledi.  Qońırat  álleqanday 
dábdebeli  bir  shıǵıs  qalalarına  usap  kórinetuǵın  edi.
Qońırattıń  bergi  dárwazası  menen  arǵı  dárwazasın  tu-
tastırıwshı  úlken  jol  bar.  Ásirese,  Mańǵıshlaqtı  jaylaǵan 
qazaqlar  kóp  sandaǵı  qara  mal,  jılqı  hám  qoy-eshkilerdi 
aydap  ákelip,  dánge  awmastıradı.  (K.M.)
59-shınıǵıw.  Tekstti  oqıń.  Qara  hárip  penen  jazılǵan  sózlerge 
dıqqat  etip,  olardıń  neshe  mánili  sózden  dúzilgenin  hám  dúzilisi 
boyınsha  qanday  sóz  dizbegi  ekenin  aytıp  beriń.