M. DÁWletov, A. DÁWletov, Z. IsMAylova, A. DÁWletova

ol ózin ullı 

---

109
islerdi orınlawǵa
tayarlaydı. 
(Abdulbarakat Qadiriy)
2. Pax-
takeshler 
ǵawashanı
suwǵarıwdı
basladı. 
(«E. Q.») 
3. Biraq, 
ol 
kóbirek
túsindirgendi
jaqsı kóredi. 
(S. S.)
199-shınıǵıw.
Gáplerdi kóshirip jazıń. Jay, qospa hám keńeytil-
gen tolıqlawıshlardıń astın sızıń. Qanday sóz shaqaplarınan bolǵanın 
anıqlań.
1. Sol kúni Qońırat ámeldarları Muhammed Pananı 
gilem salıp, saraydı aylandırdı da, Qońırat taxtına mingizdi. 
2. Saraydıń barlıq jumısların óz qolına aldı. 3. Paylı jumısın 
heshkimge isletpeydi. 
(N. D.)
4. Turdıgúl Káramatdinniń 
kewilli kirip kelgenin kúle shıray berip kútip aldı. 
(J. A.)
5. Usılayınsha ol diywanbegini shaqırtıp alıp, Muhammed 
Pana háziretiniń atınan Atamurat xanǵa xat jazıwdı buyırǵan 
edi. 
(K. M.)
6. Saat on birdi kórsetti. 7. Ol paylı jumısın hesh-
kimge isletpeydi. 
(N. D.)
200-shınıǵıw.
Oqıń. Tolıqlawıshlardı tawıp, olardıń dúzilisine 
dıqqat etiń. Qanday sorawlarǵa juwap berip kelgenin hám qospa 
tolıqlawıshlardıń dúzilisin túsindiriń.
1. Eger adamda ǵayrat bolmasa, onda basqalarǵa úlgi 
bolatuǵın hesh nárse isley almaysań. 2. Márt penen joldas 
bolǵan adam mártlikke jetedi. 3. Námárt penen jaqın júrgen 
adam bárqulla ǵam-qayǵıda boladı. 
(«Atalar sózi»)
4. Buǵan 
Nurjan ustanı jumsaw kerek. 
(T. Q.)
5. Sabırlı adam sonday 
adam, ol qolında barın aqıl-oy menen jumsaydı. 
(«Atalar 
sózi»)
6. Usharǵa atsa da hár oǵı eki úshti jalpıldatatuǵın 
edi. 
(Á. Sh.) 
7. Izlep kiyatırǵanlardı kórip turman. 
(J. A.) 
Watandarlıq ilimimiz kvantlı generatorlar dóretiwge úlken úles 
qostı.
(«E. Q.») 
8. Aǵam atlardı toqtattı da, arbadan sekirip 
tústi. 
(M.K.) 
9. Ol jańa jerdiń sulıw tábiyatına súysinip qarap 
turdı. 
(J.P.)
201-shınıǵıw.
Kórkem shıǵarmalardan yamasa yadıńızdan jay 
tolıqlawıshı bar 3 gáp, qospa tolıqlawıshtıń dizbekli atlıqlardan 
qospa sanlıqlardan dúzilgen túriniń hár birine 1 gápten tawıp jazıń 
hám olardı tallaw úlgisi boyınsha dúzilisine qaray ajıratıp tallaw 
jasań.

---

110