M. DÁWletov, A. DÁWletov, Z. IsMAylova, A. DÁWletova

136-shınıǵıw
. 
Yapırmay, pay, wax-wax, haw, uwh, oy bárekella, 
átteń
tańlaq sózleriniń hárbirine bir-birden gáp dúziń. Dúzgen 
gáplerińizdegi tańlaqlardıń irkilis belgilerine dıqqat etiń.
ELIKLEWIsh sÓZLEr
§ 33. Eliklewish sózler haqqında túsinik
137-shınıǵıw.
Oqıń. Gáplerdegi qara hárip penen jazılǵan 
sózlerge dıqqat etip, olardıń qaysıları kóriniske, qaysıları seske 
baylanıslı aytılǵanın anıqlań.
1. Alıstan 
buwdaq-buwdaq
shań kórindi. 2. 
Sıldır-sıldır
suw aǵar. 3. Ol 
jalt 
burılıp, artına qaradı. 4. 
Shıyq 
etip qapı 
ashıldı. 5. Kózinen 
mólt-mólt
jas aqtı. 6. Qamıslıqtıń arası 
tısır 
ete qaldı. 7. Sırttan
dúrs-dúrs 
ses esitildi.
Eliklewish sózler turmıstaǵı hár túrli kórinis hám 
seslerge eliklep aytıladı. M ı sa l ı: 1. Júnleri 
jılt-jılt
etip 
juwıp taralǵan atlarǵa qaraǵan sayın qaraǵıń keledi. 
(Sh. A.)
2. Írashtaǵı putanıń arasınan mıltıq 
taq
ete 
qaldı. 
(N. D.)
3. Qay waq kórseń de, ustaxanada 
ıs-pıs-ıs
kórik basıw, 
shıq-shıq-shıq
shókkish urıw tınbaydı. 
(T. Q.)
Bul mısallarda 1-gáptegi 
jılt-jılt
sózi kóriniske eliklew-
di, al 2 — 3-gáplerdegi 
taq
(ete qaldı), 
ıs-pıs-ıs
, 
shıq-
shıq-shıq
sózleri seske eliklewdi bildiredi.
Zatlardıń, qubılıslardıń ses hám kórinisine eliklewdi 
bildiretuǵın sózlerge eliklewish dep ataladı.
Eliklewish sózler dara (jalt) hám jup sóz (jalt-jalt) 
túrinde qollanıladı. Olar dara túrinde de, jup túrinde 
de, kóbinese 
et
kómekshi feyili menen dizbeklesedi: