M. DÁWletov, A. DÁWletov, Z. IsMAylova, A. DÁWletova

§ 53. Úylesiwshi anıqlawısh
Iyelik sepliktegi sóz arqalı bildirilgen anıqlawıshqa 
úylesiwshi anıqlawısh delinedi.
Úylesiwshi anıqlawısh anıqlanıwshı sóz benen tartım 
qosımtası arqalı baylanısadı.
Úylesiwshi anıqlawısh iyelik sepliginde qollanıl-
ǵanlıqtan 
kimniń? neniń? qay jerdiń?
degen sorawlarǵa 
juwap beredi. M ı s a l ı : 1. 
Ábdikárimniń
ǵazı joq bolıp 
ketken. 
(A. B.)
2. 
Araldıń
salqın samalı esip tur. 
(A. B.)
Úylesiwshi anıqlawısh orın tártibi jaǵınan anıqla-
nıwshı aǵza menen jaqın, qatar turıp ta yamasa 
aralarında basqa sózler kelip, uzaq turıp ta baylanısadı: 
1. 
Reyimbaydıń
baylawlı turǵan 
eki atı
anda-sanda 
oqıranıp qoyadı. 
(S. S.)
2. 
Jazdıń
búgingi aysız 
aqshamı
biraz salqın edi. 
(T. Q.)
Úylesiwshi anıqlawısh tómendegi sóz shaqaplarınan 
boladı:
1) atlıqtan:
Bul ónimler, ásirese 
Qarjawbaydıń
atızınan kóbirek alındı. 
(Q. J.)
;

---

117
2) almasıqtan:
Hárbir padashı 
ózleriniń 
malların 
túwellep atır. 
(Q. J.)
3) sanlıqtan:
Besewiniń minez-qulqı, haqıyqattan da 
bir-birine
jaqın.
4) kelbetlik feyilden: Jıynalǵanlardıń
kewlin alıw 
ushın hárbirine kewilli juwap qaytarıwǵa háreket etedi. 
(S. K.)
215-shınıǵıw
. Gáplerdi oqıń. Úylesiwshi anıqlawıshlardı tawıp, 
olardıń qanday sóz shaqabı arqalı bildirilgenin, sorawların hám qa-
lay baylanısıp kelgenin anıqlań.
1. Postınnıń jeńi menen jorǵanıń tumsıǵın hám moynın 
arttı. 2. Tanabay jorǵanıń awzına bir qısım pishen tuttı. 
3. Onıń erinleri qıymıldadı, biraq pishendi qamtıp almadı. 
4. Hámme nárseniń de óziniń waqtı saatı bar. 
(Sh. A.)
5. Ǵarrınıń toqıma sózine úydegilerdiń hámmesi keńkildesip 
kúlisti. 6. Ishte otırǵanlardıń ekewi sırtqa shıqtı. 
(K. S.)