M. Abuzalova, G. Haqulova,Sh. G’ulomova Hozirgi o`zbek adabiy tili (Morfologiya)

 
 
 
21 – mashq. 
 
Matnni o`qing. Sifatlarni aniqlang. Har bir sifatni darajalab chiqing.
 
“…Bolam… Muzaffarim yigit bo`p qopti. Mo`ylovi sabza uribdi. Ovozi 
do`rillab qolibdi… Vijdonsiz cho`loq! Aqalli shu kuni yasantirib qo`ysa o`ladimi! 
Anavi shallaqi Robiya jillaqursa tug`ilgan kunida bolaga yirtiq shim kiygizishga 
uyallmaydimi? Zolimmi, ablahmi, otasi Nasibaga har yili tug`ilgan kuni bosh-oyoq 
sarpo qiladi-ku! O`g`lim bo`lsa pochasi ilma-teshik shim kiyib yuribdi. Tug`ilgan 
kunni qayoqdan biladi qishloqi Robiya! Bolaning ko`nglini olish xayoliga keladimi 
to`pori cho`loqning! Yaxshiyam cho`ntagiga pul solib qo`yganim. Bilib qo`ylaring! 
Bolang ko`nglini senlar ololmasang, xursand qiladigan onasi bor! ” 
 
 
 
22 – mashq. 
 
Ikki guruhga bo`lining. Har bir guruh fonetik usul bilan orttirma 
daraja sifatlari hosil qilsin. Eng ko`p topgan guruh g`oliblikni qo`lga kiritadi. 
 
 
 
23 – mashq. 
Matn parchalarini o`qing. Belgi-xususiyat bildiruvchi so`zlarni ajratib 
ko`chiring.

1. “…Shunday qilib, til juda katta ma’rifiy ahamiyatga ega ekan. Ammo tilning 

ahamiyati bu bilan tugamaydi. Uning juda ulug’ badiiy ahamiyati ham bor. Tilning 
badiiy imkoniyati cheksiz. Til imkoniyatining cheksizligi va ahamiyatining 
nihoyatda ulug’ligi uning ham moddiy, ham ma’naviy olamni qamrab 
olganligidadir”. (A.Rustamov) 2.”…Cho’lpon o’rta bo’y, to’lachadan kelgan, 
doimo yumaloq gardishli oddiy ko’zoynak taqib yuradigan odam edi. U juda 
serandisha, odamlarga bexosdan ozor berib qo’yishdan cho’chiydigan, ko’ngilchan 
va chinakam shoirona tabiatga ega edi. Arzimagan narsaga xunobi chiqib, fig’oni 
falakka yetar, asabiylashar, yana arzimagan sabab bilan kayfiyati joyiga kelib 
qolardi”. (M.Burxonov)