М а р к е т и н г асосий маркетинг тушунчалари ва замонавий сўзларининг қисқача изоҳли луғати

Сотувчи бозори (seller’s market) – бу сотувчиларни харидорларга нисбатан позицияси (тутган ўрни) кучли бўлган бозор туридир. Сотувчи бозорида талаб таклифга нисбатан кўпдир.
Сотув квотаси (sales quota) – бу савдо агенти сотиши керак бўлган, маълум бир турдаги товарлар миқдорини белгиловчи нормативдир.
Сотув услуби (sales style) – бу савдо битимини амалга ошириш услуби бўлиб, у бешта самарали сотув шаклидан, яъни харидорга йўл топишдан, харидорни ўрганишдан, презентациядан, харидорни ишонтиришдан ва, ниҳоят, сотув жараёнини амалга оширишдан иборатдир.
Сотувни рағбатлантириш инструментлари (асбоблари) (sales promotion tools) - бу истеъмолчиларни корхона товарларини сотиб олишга ундаш мақсадида кўлланиладиган рағбатлантирувчи воситалардир. Булар: товарни бепул нусҳасини тарқатиш, купонлар, чегирмалар, мукофотлар, бепул таътиб кўриш, кафолатлар, реклама ҳаражатларини қопламоқ, савдо кўргазмалари, сувенир рекламалар, конференциялар ва бошқалар.
Сотувдан сўнгги хизматни ташкил этиш (organization of after-sales service) – бу корхона маҳсулотини харидорлар томонидан сотиб олингандан сўнг уларга кўрсатиладиган хизматлар йиғиндисидир (монтаж, ўрнатиш, йиғиш, синаш, запас деталлар етказиб бериш, турли таъмирлаш ишларини олиб бориш ва ҳоказолар).
Мураккаб техник истеъмол товарлари ва ишлаб чиқариш воситалари учун сотувдан сўнгги хизматни ташкил этиш маркетинг фаолиятинингзарурий омили ҳисобланиб, уни қўлламасдан бозорда рақобатбардошликка эришиб бўлмайди.
Статус (status) – бу харидор хулқ-атворини белгилайдиган ижтимоий (социал) омиллардан бири бўлиб, у индивидни жамиятда тутган ўрнини характерлайди. Масалан, директор статуси, ота статуси.
Стратегик маркетинг (strategic marketing) – бу корхонанинг бозорга истеъмол қимматини таклиф этган ҳолда, ўзининг узоқ муддатли мақсадларига эришиши бўйича фаолиятдир. Стратегик маркетингнинг оддий маркетингдан асосий фарқи корхонанинг бозорда узоқ муддатли фаолият юритишга йўналтирилганликдир, бизнесни бозор (шу жумладан акционерлик) қийматини максималлаштириш, мақсадли истеъмолчилар (мавжуд ва потенциал) билан мустақил ва узоқ муддатли ўзаро фойдали ҳамкорликни йўлга қўйишдир. Стратегик маркетингни бош принципи: истеъмол қимматини яратиш учун корхона ресурсларидан максимал равишда фойдаланишдир.