М а р к е т и н г асосий маркетинг тушунчалари ва замонавий сўзларининг қисқача изоҳли луғати

SWOT таҳлили (SWOT analysis) – бу инглизча сўзларнинг биринчи ҳарфларидан олинган бўлиб, S – корхонанинг кучли томонлари (устунлиги), W – кучсиз томонлари (камчилиги), O –имкониятлари ва T – хавф-хатарларни ифодалайди.
Корхонанинг маркетинг планида у ерда вужудга келган ҳолат таҳлилига асосан, ушбу тўрт кўрсаткичга асосланиб, унинг маркетинг фаолияти стратегияси ишлаб чиқилади. Бу эса, корхонангизни бозорда рақобатчиларга нисбатан тутган ўрнига баҳо беришга ёрдам беради.
Т
Тадқиқотни ўтказиш бўйича ҳисобот (research summary) - у ўз ичига қуйдагиларни олади:

1. 
   Корхонани умумий тавсифномаси ва уни бозордаги фаолиятини;
   
2. 
   Бозор таҳлили ва корхонанинг ундаги ўрнини (бозор сиғими, корхонани бозордаги ҳиссасини баҳолаш, корхона маҳсулотидан истеъмолчиларни қониқиш даражаси, унинг рақобатбардошлик ҳолати (шу жумладан, мақсадли истеъмолчиларни корхонанинг товарлари ва хизматлари ва унинг рақобатчиларига бўлган муносабати) ва ҳоказолар;
   
3. 
   Ахборотларни йиғиш ва таҳлил қилишда фойдаланилган услублар;
   
4. 
   Олинган маълумотларни аниқлиги ва ишончлилигини баҳолаш;
   
5. 
   Корхонанинг маркетинг фаолиятини такомиллаштириш бўйича таклиф ва тавсиялар.
   

Тадқиқот қилиш (doing research) – бу тўғридан-тўғри сўров ўтказиш йўли билан шахслар (индивидуумлар)ни, уларнинг тадқиқот қилинаётган маҳсулотлари билиш даражасини аниқлаш мақсадида, уларга бўлган муносабати, қараши ҳамда харидор хулқини аниқлаш бўйича бирламчи ахборотларни тўплашдир.
Тадбиркорлик (бизнес) таҳлили (entrepreneurship analysis) – янги маҳсулотни ишлаб чиқариш жараёни бўлиб, кўзда тутилаётган сотув ҳажми, кетадиган харажатлар, олинадиган фойда ҳамда уларни корхонабелгилаган мақсадларига қай даражада мос келиши аниқланади.
Талаб (demand) – бу харид қувватига эга бўлган эҳтиёж (эҳтиёжнинг пул билан таъминланган қисми). Талабнинг турлари:

• 
  реал ва потенциал талаб;
  
• 
  амалга оширилган ёки қониқтирилган (реализация қилинган) талаб;
  
• 
  қониқтирилмаган талаб (шу жумладан, кейинга қолдирилган талаб).