М а р к е т и н г асосий маркетинг тушунчалари ва замонавий сўзларининг қисқача изоҳли луғати

Сервис (хизмат) панели (service panel) – бу хизматлар соҳасидаги истеъмолчиларни хулқ-атворини тадқиқот этиш учун тузилган, турли ҳилдаги хизматларни харид қилувчи истеъмолчилардан ташкил топган панель иштирокчиларидир.
Сервис дифференциацияси (service differetiation) – бу маҳсулотга ҳамрох бўлган хизматни (тезда ва ишончли етказиб бериш, ўрнатиб бериш, сотувдан кейинги хизмат, мижозларни ўқитиш, маслаҳат бериш) ва ўзининг сифати бўйича рақобатчилар хизматидан устун бўлган хизматни таклиф этишдир.
Селектив талаб (selective demand) – бу қандайдир маҳсулотнинг алоҳида бир маркасига бўлган талабдир.
Сэмплинг (sampling) - бу харидорга синаб кўриладиган намунадаги товарларни танишиш ва татиб кўриш учун бериладиган сотувни рағбатлантириш туридир. Бозорга товарларни биринчи маротаба ёки қайта киритиш пайтида қўлланилади.
Синаб кўриш (тажриба қилиб кўриш) маркетинги (trial marketing) – бу реал бозор шароитларида янги маҳсулотни (товарни) пайдо бўлишига, истеъмолчилар ва воситачилар томонидан бўладиган реакциясини (таъсирланишини) ўрганиш мақсадида маҳсулотни ҳамда унинг маркетинг дастурини синаб (текшириб) кўришдир. Янги маҳсулотни сотув ҳажми ва фойдасини прогнозлашда ишлатилади. Янги товарни бозордаги синов сотуви натижаларига кўра, унинг келгусидаги рақобатбардошлиги аниқланади.
Силжитиш (promotion) – бу товарлар сотувига ва фирманинг имиджини харидорлар ҳамда кенг жамоатчилик фикрида ижобий шакллантиришга ёрдам беришдир. Силжитишни амалга ошириш учун корхона (фирма), бозор ва кенг жамоатчилик билан ўзаро коммуникатив алоқаларнинг мавжудлиги зарурдир. Силжитишнинг асосий ва анъанавий воситалари қуйидагилардир: реклама, ташвиқот, сотувни рағбатлантириш, жамоатчилик билан алоқаларни олиб бориш. Силжитишнинг энг асосий бирламчи мақсади, бу мақсадли истеъмолчиларни (реал ва потенциал) фирманинг товар ва хизматини сотиб олиш ҳамда ишлатишдан кўрадиган фойда ва устунликларидан хабардор қилиш, билдиришдир.
Сифатни умумий бошқариш (total quality management) – бу товарлар, хизматлар ва маркетинг фаолияти сифатини доимий равишда оширишга йўналтирилган дастурлардир.
Слоган (slogan) – бу брендни рекламалар, PR – акциялар ва сотувни рағбатлантириш каби воситалар орқали силжитишнинг маркетинг коммуникациясининг асосий шиоридир.