М а р к е т и н г асосий маркетинг тушунчалари ва замонавий сўзларининг қисқача изоҳли луғати

У
Упаковка жойлаш ёки ўраш (package) – бу тара ёки бирор нарса жойланган ва жойланадиган нарса. Маҳсулотни сақлаш, уни ишлатишда ва транспортировка қилишда қулайлиги функцияларидан ташқари, упаковка (жойлаш ёки ўраш) истеъмолчиларни ўзига жалб қилиш, маҳсулотни идентификациялаш, реклама ва ахборот бериш каби зарур маркетинг функцияларини бажаради. Упаковкани (жойлаш ёки ўрашни) яратишдан олдин, унинг концепцияси танланади.
Ф
Фандрайзинг (fund raising) – бу “қидириш, ўсиш ва маблағларни жамғармоқ” деган маънони англатади. Маркетиг тизимида бу тушунча билан қандайдир лойиҳани амалга ошириш учун хомийларни ва инвесторларни қидиришга йўналтирилган фаолият тушунилади. Масалан, мутлақо янги товарни ишлаб чиқариш учун, янги чет эл бозорларига чиқиш учун, театрнинг чет элдаги сафарини таъминлаш учун ва бошқалар. Фандрайзинг асосан қуйидагиларни ўз ичига олади:

1. 
   манфаатдор ташкилотлар ва шахсларни қидириш;
   
2. 
   улар билан бўладиган алоқаларни таъминлаш;
   
3. 
   уларга барча керакли ва ишончли ахборотларни етказиш;
   
4. 
   хомийлик, инвестиция киритиш шартлари ва бошқалар бўйича битим тузиш.
   

Флеш-моб (flash-mob) – бу “ бир лаҳзада ёниб кетиш ёки портлаш”, “тезкор оламон” деган маънони англатади. Маркетинг тизимида бу кўпинча қандайдир ғоя, товар ёки хизматни силжитиш бўйича, айрим вақтларда ташкил этиладиган акциялар билан боғлиқ бўлган PR – чора-тадбирлар сифатида фойдаланилади. Масалан, махсус ташкил этилган кишилар гуруҳи (кинотеатр олдида) қандайдир фильм ёки товар бўйича (магазин, универмаг олдида) шиорларни қаттиқ қичқириб ташвиқот қиладилар. Бунинг учун улар фирма логотипи туширилган кийимларни кийиб, ташкилотчининг топшириғига биноан маълум жойларда йиғиладилар.
Фойдалилик назорати (profitability control) – бу турли маҳсулотларни, ҳудудларни, бозор сегментларини, тақсимот каналларини, турли бозорлардаги фаолиятларни фойдалилигини таъминлаш мақсадидаги маркетинг режасининг баҳолаш ва ундаги хатоларни тузатиш, тўғрилашни амалга оширувчи, маркетинг назоратининг турларидан биридир.