М а р к е т и н г асосий маркетинг тушунчалари ва замонавий сўзларининг қисқача изоҳли луғати

Ҳ
Ҳаёт даражаси (level of living = living standard) - бу товарлар ва хизматларни танлаш, сотиб олиш ва истеъмол қилиш билан боғлиқ бўлган, аҳолининг алоҳида гуруҳларини истеъмол хулқ-атворини ифода этувчи, иқтисодий кўрсаткичлар тизимидир.
Ҳаёт стили (lifestyle) – бу харидор хулқ-атворини белгилайдиган шахсий омиллардан бири бўлиб, шахснинг қизиқишлари, ишончлари, ҳаракатлари орқали ифодаланадиган ҳаётий хулқ-атвор стереотипларини кўрсатади.
Ҳулқ-атвор бозори сегментацияси (behavior segmentation of market) – бозорни харидор-ларнинг ўзларини бозорда тутишига (хулқ-атворига) қараб, аниқ истеъмолчилар гуруҳига бўлиш тушунилади. Улар харидорларнинг қуйидаги тавсифномаларига қараб аниқланади: билим даражаси, муносабати, ҳолати, маҳсулотни ишлатиш характери, маҳсулотга нисбатан реакцияси, тез-тез истеъмол қилиниши ҳамда харидор-нинг сотиб олишга тайёрлиги.
Ҳужум (атака) стратегияси (attack strategy) – бу рақобат стратегияси бўлиб, у бозор даъвогари томонидан сотув бозорларини эгаллаш курашида қўлланилади. Ҳужум стратегиясининг беш тури мавжуддир.
Ҳолат (ситуация) таҳлили (situation analysis) – маркетингни режалаштириш жараёнининг поғоналаридан бири бўлиб, унда маркетингнинг ташқи соҳаси (ижтимоий-иқтисодий, сиёсий-ҳуқуқий, бозор ва рақобатчилар омилларини таҳлил қилиш) ва корхона ички фаолиятини тафтиш қилиш тушунилади.
Ҳимоя (protection) – бу бозор лидерининг ҳимоя стратегияси бўлиб, у орқали корхона бозор рақобат курашида қўлга киритган ютуқлари, позицияларини (масалан, бозорда катта ҳиссани сақлаб қолиш, маҳсулот маркасининг обрўсини кўтариш ҳамда товар ҳаракати каналлари устидан назоратни) сақлаб қолишга интилади.
Ҳимоянинг қуйидаги турлари мавжуд, яъни мобиль ҳимоя, позиция ҳимояси, қисиб келинаётган ҳимоя, қайта ҳужум қилишга йўналтирилган ҳимоя, фланга ҳимояси кабилар.

МАРКЕТИНГНИ РИВОЖЛАНИШ ТАРИХИДАН
АСОСИЙ ЛАВҲАЛАР