М а р к е т и н г асосий маркетинг тушунчалари ва замонавий сўзларининг қисқача изоҳли луғати

Портер матрицаси (рақобатчи кучларни таҳлили) (Porter matrix) – бу компаниянинг стратегик имкониятларини бозор таҳлили моделидир. Бу таҳлил ўз ичига бешта омилни олади: 1) бозорда янги рақобатчиларни пайдо бўлиши хавфи; 2) харидорларнинг бозор ҳокимияти; 3) таъминотчиларнинг бозор ҳокимияти; 4) ўрнини босувчи товарларнинг мавжудлиги; 5) амалдаги (ҳаракатдаги) рақобатчиларни бир-бирлари билан рақобат қилишлари. Бу бозор таҳлилини нафақат алоҳида компанияларга балки, айрим тармоқларга ҳам қўллаш мумкин.
Позициялаш (positioning) - деганда сизнинг рақобатчиларингизга нисбатан бозорда қандай ўринни эгаллаб турганлигингизни аниқлаш тушунилади.
Промоушн – акциялар (promotion-actions, promo-actions) – бу товарни силжитиш ва шу жумладан, потенциал мижозларни фирма маҳсулоти билан таништириш мақсадини кўзлаган маркетинг чора-тадбирларидир. Уларга қуйидагилар киради: бепул товар намуналарини тарқатиш, уларни сотиб олиш учун купонлар, мусобақалар, лотореялар ва бошқалар. Кўпинча бу чора-тадбирлар, сўров ўтказишда иштирок этишга рози бўлган шахсларни сўров қилиш билан якунланади.
Пресс-релиз (press release) – бу газета, журналлар, радио ва телередакцияларнинг журналистлари учун мўлжалланган ҳамда улар учун корхона (фирма) ҳақидаги қизиқтирадиган ахборотларга эга бўлган ахборот бюллетени, паблик-рилейшнз (PR) воситасидир.
Психографик тадқиқотлар (psychographics research) – бу истеъмол бозорини сегментация қилиш учун кишиларни психологик тавсифномаларни ўрганишга йўналтирилган маркетинг тадқиқотидир.гуруҳлар ёки шахсларнинг психографик психографик тадқиқотлари, уларнинг фикрича товарнинг характерли хусусияти, қимматлилиги, тасаввури, афзал кўришлилиги ва хулқ-атвор моделлари орқали амалга оширилади. Маркетингда психография, истеъмолчилар ҳаракатларини, қизиқишларини ва фикрларини ўрганиш, уларни товарлар ҳамда хизматларни сотиб олишга бўлган баҳолаш муносабатларига йўналтирилгандир.
Психографик бозор сегментацияси (psychographic segmentation of market) – деганда бозорни харидорларнинг у ёки бу ижтимоий синфларга мансублиги, ҳаёт тарзиёки шахс тавсифномасига қараб гуруҳларга бўлиш тушунилади.