М а р к е т и н г асосий маркетинг тушунчалари ва замонавий сўзларининг қисқача изоҳли луғати

Панель тадқиқоти (panel research) - бу танлаб олинган бир доирадаги респондентлар тўғрисидаги маълумотларни, маълум бир вақт интервали орлиғида тўплаш, қайта ишлаш ва таҳлил қилишдир.
Партизан ҳужуми (partisan attack) – бу рақобатчини тушкунликка тушуриш мақсадида, ҳар замонда унча катта бўлмаган ҳужумларни уюштириб, унда ўзига нисбатан ишончсизлик туйғусини ривожлантиришдир (нархларни ҳар замонда пасайтириш ва маҳсулотни жадал суръатлар билан силжитиш, оқибатда рақобатчининг ўзи учун зарарли бўлган қарши ҳаракатларни қилишга мажбур этиш ва ҳоказолар). Бундай стратегияни кўпинча унча катта бўлмаган чекланган ресурсларга эга бўлган фирмалар анча йирик бўлган рақобатчиларга нисбатан қўллайдилар. Бироқ, тез-тез амалга ошириладиган партизан ҳужумлари бу катта ҳаражатларга олиб келадиган тадбирлардир, унинг устига рақобатчилар устидан ғалаба қозониш учун унга бошқа турдаги ҳужум ҳаракатлари билан қўллаб-қувватлаб туриш керак, масалан, ўз фаолияти ҳажмини кенгайтириш, янги маҳсулотларни ишлаб чиқаришни йўлга қўйиш ва ҳоказолар.
Прайм-тайм (prime time) – бу оммавий ахборот воситаларига (радио ва телевидение)га кенг аудиториянинг диққати энг кўп жалб этилган вақтдир. Шу вақтларда бериладиган реклама ахборотлари энг юқори нарҳларда тўланади.
Персонал (ходимлар) дифференциацияси (personnel differentiation) – бу корхонани рақобатчиларини персоналига(ходимларига) нисбатан, ўзларининг вазифаларини юқори равишда самарали бажарадиган персонални (ходимларни) ишга қабул қилиш ва машқ қилдиришдир.
Плейсмент, маҳсулотни таништирмоқ (тақдим этмоқ, кўрсатмоқ) (product placement) - бу махсулотни очиқдан-очиқ (ошкора) реклама қилмаган холда, товар ёки товар белгисини киносценарийларга, телекўрсатувларга, босма асарларга қўшиш, марка логотипини спорт иншоатларида кўрсатиш, яъни маҳсулотни телевизор, компьютер ёки бошқа оммавий ахборот воситалари орқали намойиш (яширин реклама) этиш жараёнидир.
Потенциаль бозор (potential market) – бу келгусида маълум бир товар ёки хизматга бўлган талабни таклиф эта оладиган истеъмолчилар йиғиндисидир.