М а р к е т и н г асосий маркетинг тушунчалари ва замонавий сўзларининг қисқача изоҳли луғати

Анкета (guestionnaire) - бу маркетинг тадқиқоти-сўрови воситасидир. Замонавий талабларга кўра, анкета энг камида уч қисмдан иборат бўлиши керак:
- унинг кириш кисмида, респондентларга тушуналарли бўлган ва анкетада келтирилган саволларга ундовчи (туртки берувчи) сўровнинг мақсадлари ва вазифалари тушунтирилади;
- кейинги қисмида, саволларнинг ўзи келтирилади;
- унинг хулоса қисмида, сўровда иштрок этганлар (респондентлар) ҳақида маълумотлар (агар унинг иложи бўлса) ва шунингдек, сўровда иштрок этганлик учун ташаккур айтилади.
Ўзбекистон амалиётида анкетани баъзида сўровнома ҳам деб атайдилар.
Ансофф матрицаси ( Ansoff matrix) – бу матрица бозорни ва товарни ривожлантиришни таҳлил қилиш учун фойдаланилади. Таҳлил предмети бўлиб қуйидаги стратегиялар қўлланилади: мавжуд товарларни эски бозорларга мослаштириш, барқарор қилиш ёки ушбу бозорларда уларни улушини ошириш бўйича иш олиб бориш; бозорни ривожлантириш – бу эски товарлар билан янги товарларни сотиш ва ривожлантириш (инновация) ҳамда диверсификация (бозордан кетиш).
Асосий эҳтиёжлар (basic needs) – инсоннинг ҳаёти учун энг керакли бўлган эҳтиёжларни қондиришдир. Улар қуйидагилардир: озиқ-овқатлар, кийим-кечаклар ва уй-жойлар.
Ассортимент чуқурлиги (assortment depth) - бу бир категориядаги товарлар доирасида таклиф этилаётган, турли сондаги товарлар (артикуллар) номлари. Корхона, масалан, турли хилдаги терилар учун мўлжалланган турли варинтдаги соқол олиш устараларини таклиф этади.
Ассортиментни кенгайтириш (product line diversification, product line extension) - бу мавжуд бўлган товар категорияларига, махсулотни янги варинтларини қўшишдир. Маркетологлар бундай кенгайтиришни мақсадли истеъмолчиларни айрим гуруҳлари талабларини етарли равишда қониқтирмаслик билан изоҳлайдилар ва шу сабабли савдо маркаси обрўсига хавф туғилиши мумкин.
Ассортиментни қисқартириш (product line reduction) - бу таклиф этилаётган турли хилдаги хар бир товарлар категорияси сонини қисқартириш йўли орқали товар ассортименти чуқурлигини камайтиришдир.