М а р к е т и н г асосий маркетинг тушунчалари ва замонавий сўзларининг қисқача изоҳли луғати

102

List of reference.....................................................................................

135

Сўз боши
Мазкур изоҳли луғат маркетинг тизимини ўрганувчи олий таълим муассасаларининг талабалари ва ўқитувчилари, илмий ходимлар, бизнес мактаблари тингловчилари ҳамда шунингдек, мамлакатимиз ҳамда чет эл бозорларида тижорат фаолиятини олиб бораётган амалиётчи маркетолог ва корхона раҳбарлари учун мўлжалланган.
Ушбу луғатга маркетинг назарияси ва амалиётида фойдаланилаётган асосий тушунчалар киритилган, шунингдек, мамлакатимиз ҳамда чет эл маркетинг адабиётларида ва амалиётида ишлатилаётган замонавий сўзлар ёритилган.
Мазкур луғатда, кўп мақсадларда қўлланилиши мумкин бўлган тушунчалар, фақат маркетинг фаолияти нуқтаи назарида талқин қилинган.
Изоҳли луғат, маркетинг ва бизнес соҳасидаги адабиётларни ўқишда, маркетинг асосларини мустақил ўрганувчиларга катта ёрдам беради, шунингдек, ундан амалий маркетинг фаолиятида маълумот олиш бўйича қўлланма сифатида фойдаланиш мумкин.
Луғат алфавит принципи кетма-кетлигида инглиз сўзи эквивалентлигини кўрсатган ҳолда тузилган. Шу сабабли, ҳар қандай китобхон, корхона раҳбари ёки маркетолог-амалиётчи ўзбек тилида келтирилган сўзнинг биринчи ҳарфи бўйича у ёки бу тушунчанинг ёритилишини тезда топади.
Бундан ташқари, ўзининг нисбатан қисқалигига қарамай, мазкур изоҳли луғатда умуман бозорга ёки иқтисодиётга ва корхона бошқарувига эмас, балки фақат маркетингга тегишли бўлган тушунча ва сўзлар етарли даражада тўлиқ келтирилган.
Мазкур луғатнинг асосида келтирилган тушунчалар ва сўзлар маркетинг комплексининг барча асосий функция ҳамда элементлари албатта, сўзсиз ёритилиш принципи қўйилган (тадқиқот-таҳлил функциялари, товар-ассортиментини, нархни, тақсимот ва силжитиш сиёсатини шакллантириш), шунингдек, истеъмолчиларни хулқ-атворини ўрганишни методологик ёндашувлари, электрон маркетинг коммуникациялари воситалари ҳамда замонавий услублардан фойдаланиш ва бошқалар. Ушбу принципни амалга ошириш луғат ўқувчиларига маркетинг фаолиятини ўзига хос хусусиятлари, унинг мақсадлари, вазифалари, функциялари ва асосий воситалари ҳақида комплекс тасаввурга эга бўлишга ёрдам беради.
Шуни алоҳида таъкидлаш лозимки, мазкур изоҳли луғат маркетинг муаммолари бўйича монография ва дарсликлар ўрнини босмайди. Лекин, унинг муаллифлари фикрича, талабалар, янги ўрганувчи, ёш маркетологлар, корҳона раҳбарлари ва маркетинг бўйича менежерларга маркетинг тушунчалари ҳамда замонавий сўзларини (шу жумладан инглиз сўзларини) тез ва тўлиқ ўрганишга ёрдам беради.