М а р к е т и н г асосий маркетинг тушунчалари ва замонавий сўзларининг қисқача изоҳли луғати

Мультимедиа технологиялари (multimedia technology) – бу маркетингда маҳсулотни тарқатиш ва силжитиш жараёнида фойдаланиладиган, замонавий технологик воситалар аудио - , теле - , визуаль ва виртуаль коммуникацияларнинг йиғиндисидир.
Муҳтожлик (need) – кишига бирон-бир нарсанинг етишмаслигини ҳис этишдир.
Мудофаа стратегияси (defense strategy) – бу бозор сардори томонидан ўзининг бизнесини рақобатчилар тажовузидан доимо ҳимоя қилиш мақсадида танланадиган стратегиядир. Мудофаа стратегия-сининг қуйидаги турлари мавжуддир: позицияли мудофаа, қанот мудофааси, мудофаа қайта ҳужумга ўтиш йўли билан, мобиль мудофаа ва қисилиб келаётган мудофаа.
Н
Нарх (price) – бу корхонанинг бозордаги нарх сиёсатини ишлаб чиқишни кўзда тутувчи, маркетинг комплексининг элементидир. Мазкур сиёсатдан келиб чиқиб, у ёки бу товарлар учун аниқ нархлар белгиланади. Нархни асосан истеъмолчилар учун товар хусусиятини фойдали қимматга эга эканлиги акс этиши лозим.
Нархни шакллантириш (pricing) – бу корхонани нарх сиёсатини аниқлашни ўз ичига олган, харидорларга таклиф этилаётган товар ва хизматларга нархни аниқлаш ҳамда белгилашдан иборат бўлган нархни шакллантириш жараёнидир.
Нарх сиёсати (pricing policy) – у нарх стратегияларини танлашни (pricing strategies) ва нархни шакллантириш услубларини (pricing method) кўзлайди. Нарх сиёсатининг қуйидаги асосий стратегия ва услубларини кўрсатиш мумкин:

1. 
   cost-plus pricing – “харажатлар плюс фойда” принципи бўйича нархни шакллантириш;
   
2. 
   competitive pricing – рақобатли нархни шакллантириш (рақобатчилар даражасидаги нархлар);
   
3. 
   less leader pricing – нархни пасайтириш тактикаси (паст нархлар бўйича етакчилик қилиш);
   
4. 
   skimming price – “қаймоғини олиш” услуби бўйича нархни шакллантириш;
   
5. 
   standard price – барча товарлар учун бир ҳил нархларни белгилаш услуби;
   
6. 
   difference price – харид учун чегирмалар, устамалар ва мукофотлардан фойдаланилган нархлар;
   
7. 
   perceived value pricing – товар қимматини истеъмолчилар томонидан ҳис қилиш асосида шакллантириладиган нархлар.