М а р к е т и н г асосий маркетинг тушунчалари ва замонавий сўзларининг қисқача изоҳли луғати

А
Агент (аgent) - бу товарга мулк ҳуқуқи эгалиги бўлмаган, лекин сотувчи ва харидор ўртасидаги бўладиган битимда комиссион мукофотни олиш шарти билан иштирок этувчи воситачидир. Товарлар ишлаб чиқарувчилари, савдо агентлари, махсус фирмалар агентлари ва озод (эркин) агентларни бир-биридан фарқлаш керак.
Aдаптер, тарафдор (adapter) - бу маълум бир фирма товарларини, шу жумладан янгиларини ҳам харид қилишни давом эттириш бўйича қарор қабул қилган содиқ, ишқибоз харидордир.
Адвергейминг (advergaming) - бу электрон (онлайн) маркетингда товарлар ёки хизматларни электрон тармоқларда силжитиш учун яратиладиган ўйинларни белгилашда фойдаланиладиган тушунча. Онлайн реклама ўйинларини энг катта афзаллиги, бу бир вақтнинг ўзида потенциал ва истиқболли мижозлар аудиториясини қамраб олишидир. Адвергейминг бренднинг силжитишни унча қиммат бўлмаган ва истиқболли онлайн услуби ҳисобланади.
Айирбошлаш (exchange) – бу бирон-бир шахсдан ўзига керакли бўлган объектни олиш учун унинг эвазига бирон-бир нарсани таклиф этиш акти (ҳаракати).
“Ақлий ҳужум” методи (brain-storming) – бу метод 5-6 кишидан иборат гуруҳ 15 минутдан бир соатгача бўлган вақтда ўзларини қизиқтирган мавзу саволини ёки муаммони муҳокама қилиш бўйича маркетинг ечимларини қидиришнинг таҳлилий услубидир. Муаммони ечиш бўйича оргинал ғоялар ва янги ёндашувлар қутланади. Сўзловчиларни чиқишлари охиригача бўлинмай жим эшитилади. Чиқишлар охирида ғоялар таҳлил қилинади ва муҳокама натижалари жамланади. Бу метод эксперт баҳолашнинг турларига киради.
Альтернатив реклама воситалари (alternative, ambient media) - бу рекламалар жойлаштириладиган ностандарт жиҳозлар ва материаллардир, масалан: магазинлар аравачаларидаги реклама, аэропортлардаги, биноларнинг чиқиш поғоналаридаги реклама, овқатланадиган идишлар ёпқичларидаги реклама, пакетлар ва чиқинди корзиналаридаги реклама, автобуслар ва юк ташувчи машиналаридаги реклама, билетлардаги реклама, китоблардаги реклама ва ҳоказолар.
Амбассадор (ambassador) - бошқа шахсларга товар ёки хизматларни фаол тавсия этувчи мижоз.