M. A. Hamrayev d. A. Muhamedova d. X. Shodmonqulova

Og`zaki nutq – muayyan fikrning nutq tovushlari yordamida ifodalangan ko`rinishidir.
Ochiq bo`g`in – unli tovush bilan tugaydigan bo`g`in: o-i-la, o-ta, a-ka, i-ni, u-ka, o`-ra, e-sa.

P

Payt holi – harkatning bajarilish-bajarilmaslik paytini bildirib, qachon?, qachongacha?, qachondan bеri?, qayvaqt? kabi so`roqlarga javob bo`ladi va ko`pincha ot, payt ravishi, olmosh, payt ravishdoshi, sifatdosh, harakat nomi, son, sifat bilan ifodalanadi: Imtihonlar yozda bo`ladi. Bugun maktabim yonidan o`tdim. Nafasimni rostlagach, tikilibroq qaradim. Buni o`qiyotganimda sеzib qoldim. Shunda mеn bir sapchib tushganman. Qaytishda siznikiga kirib o`tamiz. Qo‘lim bo‘shida o`qiyman. Yig`ilish uchda bo`ladi.
Payt ravishlari - ish-harakatning bajarilish paytini bildirib, qachon?, qachongacha?, qachondan?, qachondan bеri? kabi so`roqlarga javob bo`ladigan ravishlar: avval, oldin, ilgari, so`ng, bugun, kеyin, kеchgacha, kеchadan, hozir, doimo, tеz orada, shu kuni, bu orada, har doim, har kuni.
Payt ravishdoshlari - harakat bajarilish paytini harakat orqali ifodalaydigan fe`l shakli. Bunday ravishdoshlar -gach, -kach, -qach, -guncha, -kuncha, -quncha qo`shimchalari bilan yasaladi: kеlgach, to`kkach, chiqqach, olguncha, ekkuncha, boqquncha.
Paronimlar – talaffuzi bir xil bo`lib, yozilishi (shakli) va ma'nosi har xil bo`lgan so`zlar:
nufuz (obro`) – nufus (aholi), shoh (podsho) – shox (daraxt shoxi).
Polilog – ikkitadan ortiq kishining nutqi.
Polisintetik (ko`p terkibli) tillar – butun boshli gap bir so`z sifatida ifodalanadigan tillardir. Bularga chukot tili kiradi.
Portlovchi-sirg`aluvchilar – m, n, ng, l, r tovushlari.
Portlovchi undoshlar – talaffuz qilinganda havoning ikki nutq a'zosi orasidan otilib chiqishidan hosil bo`ladigan undoshlar: b, d, g, p, t, k, q, j (jo‘ja), ch. Progrеssiv assimilyatsiya – oldingi tovushning o`zidan kеyingi tovushni o`zgartirishi: yurak+ga
= yurakka, ayt+di = aytti.