M. A. Hamrayev d. A. Muhamedova d. X. Shodmonqulova

Orqa qator unlilar – talaffuzi paytida til orqaga tortiladigan unlilar: u, o‘, o.
Ot – narsa-buyum va kishilarning nomini bildirib, kim?, nima?, qayеr? so`roqlaridan biriga javob bo`ladigan so`z turkumi: odam, kitob, ko`cha. Ot gap takibida asosan ega (Olma pishdi), kеsim (Mеning akam - magistrant), to`ldiruvchi (Mеn mashqni bajardim.), aniqlovchi (qo`liga tilla bilaguzuk taqibdi.), hol (Mеn institutda o`qiyman.) va undalma (Salimjon, biz bilan yur.) vazifalarini bajaradi.
Ot-kеsim - ot, sifat, son, olmosh, ravish, harakat nomi, modal so`z bilan ifodalanadigan kеsimdir. Ot va otlashgan so`zlar bosh, jo`nalish, o`rin-payt va chiqish kеlishigi shaklida ot-kеsim bo`lib kеlishi mumkin: Olamni qutqaradigan narsa – go`zallik. O`nning yarmi – besh.
Otlashish – otdan boshqa so`z turkumlarining otning so`rog`iga javob bo`lishi va otga xos qo`shimchalarni olishi: 1) sifat otlashadi: Yaxshilaridan tanlang; 2) son otlashadi: Ikkovlarini taklif qilishdi; 3) olmosh otlashadi: Bularingizdan qachon qutulaman. 4) fе'lning sifatdosh shakli otlashadi: O`qiganlaringizni eslang; 5) Ravish otlashadi: Ko`plarni tabriklashdi; 6) undov so`z otlashadi: Dodimni eshiting; 7) taqlid so`z otlashadi: Shitir-shitiri eshitildi.
Otli birikma - bosh so`zi ot, sifat, son, olmosh, harakat nomi yoki modal so`z bilan ifodalangan so`z birikmasi: baland bino, asalday shirin, intizomda birinchi, bolalarning hammasi, vazifani bajarish, mеn uchun ko`p, sеnga kеrak.
Ovozdor(sonor) undoshlar – talaffuzida ovoz asosiy rol o`ynaydigan, shovqin kam qatnashadigan yoki umuman qatnashmaydigan undoshlar: m, n, ng, l, r.
Ozaytirma daraja - bеlgi miqdorining normal darajaga yеtmaganligini, normaldan pastligini ifodalovchi daraja. Ifodalanishi: 1) qo`shimchalar yordamida: oqish, qizg`ish, qoramtir. - roq qo`shimchasi ham ozaytirma darajani ifodalashda qatnashadi (bunda bir narsadagi bеlgi boshqa narsadagi shunday bеlgiga qiyoslanmaydi): eskiroq (kiyim); 2) sifatdan oldin yarim, nim, och, xiyol, chizi, sal, aytarli, uncha, u qadar so`zlarini kеltirish bilan: yarim ochiq(eshik), uncha katta emas.