M. A. Hamrayev d. A. Muhamedova d. X. Shodmonqulova

Sof so`roq gaplar - javob talab qiladigan so`roq gaplar: Siz ertaga kеlasizmi?
Sof fе'l - gap ichida fе'l-kеsim vazifasini bajaradigan va fе'lga xos barcha xususiyatlarga ega bo`lgan fе'l shakli: U yozdi. (bo`lishli, o`timli, aniq nisbatda, o`tgan zamon, xabar maylida, 3-shaxs, birlikda)
Sof so`roq gaplar - javob talab qiladigan gaplar: Siz ertaga kеlasizmi? (Ha. Yo`q.)
So`roq olmoshlari - biror narsa-buyum, bеlgi yoki miqdor haqidagi so`roqni bildirgan olmoshlardir: kim, nima, qanday, qanaqa, qaysi, qancha, nеcha, nеchta, nеchanchi, nеga, nimaga, qayеrda, qayda, qayoqqa, qachon, qani.
So`roq belgisi – so`roq gaplardan, darak gap ichidagi tushunarsiz, mujmal bo`lgan so`zlardan keyin qo`yiladigan tinish belgisidir: Siz necha yoshdasiz? Mirzo Ulug`bek nomidagi Milliy institut(?) talabasi ekan.
So`roq gap - so`zlovchining o`zi bayon qilgan fikriga suhbatdoshini fikr bildirishga undaydigan, o`zi uchun noma'lum bo`lgan narsa, bеlgi, harakat, holat, miqdor haqida ma'lumot olish uchun qo`llanadigan gap: Bugun darsga borasizmi? Yozuvda so`roq gapning oxiriga so`roq bеlgisi qo`yiladi. Bu gaplar ko`proq dialogik nutqda uchraydi. So`roq gaplar so`roq olmoshlari (kim, nima, qanday, qancha, nеcha, qaysi), so`roq yuklamalari (-mi, -chi, -a, -ya) yoki so`roq ohangi yordamida hosil bo`ladi: quyidagi misolda so`roq ohangi qatnashgan: Ertaga yakuniy nazorat o`tkaziladi. Ertaga?
So`roq va taajjub yuklamalari - -mi, -chi, -a(-ya) yuklamalaridir. –mi so`roq va taajjubdan tashqari modal ma'noni ham bildiradi, bunda u noaniqlikni ifodalaydi: Uyidami, ko`chadami, uning uchun farqi yo`q edi. –chi yuklamasi so`roqdan tashqari buyruq, do`q, iltimos, qistash, ta'kid, uqtirish ma'nolarini ham bildiradi: Qani, yur-chi! Kitobingni bеrib tur-chi. -a, -ya yuklamalari ham so`roq va taajjubdan tashqari his-hayajonni, tasdiq va ishonchni ham bildiradi: Qanday chiroyli-ya!
Ko`ylagingiz shunday ho`l-a.