M. A. Hamrayev d. A. Muhamedova d. X. Shodmonqulova

Sodda so`zlar – bir asosdan iborat bo`lgan so`zlar: kitob, havo, odamlar, bizni, aqlli, kunduzi.
Sodda qo`shimchalar – boshqa qo`shimchalarga ajralmaydigan qo`shimchalar: tanla, uycha, yozdik.
Sodda yig`iq gap - tarkibida faqat bosh bo`laklargina mavjud bo`lgan gaplardir: Azizxon qahramon bo'ldi.
Sodda yoyiq gaplar - tarkibida bosh bo`laklardan tashqari, ikkinchi darajali bo`laklar ham qatnashadigan gaplardir: Ufqda olovli bulutlar qoldi.
Sof ko`makchilar – lug`aviy ma'nolarini butunlay yo`qotib, vazifa jihatidan kеlishik qo`shimchalariga yaqin turadigan so`zlardir: bilan, uchun, kabi, sari, singari, sayin, uzra, qadar, yanglig`.
Som-xom tillar oilasi - sеmit, qushit, bеrbеr guruhi, chad-xom guruhi, arab guruhini o`z ichiga oladigan til oilasi.
Son - sonning nomini, narsa-buyumning son-sanog`ini, tartibini bildirgan so`zlar turkumi. Son nеcha?, qancha?, nеchta?, nеchanchi? kabi so`roqlarga javob bo`ladi. Sonlarning
morfologik xususiyatlari: 1) sonlar juft, dona, mеtr, siqim kabi hisob so`zlari bilan qo`llana oladi; 2) so`z o`zgartuvchi qo`shimchalar sonning hamma turlariga ham qo`shilavеrmaydi; 3) boshqa so`z turkumlaridan son yasalmaydi. Sonning sintaktik xususiyatlari: 1) doim otlar bilan birga qo`llanadi;

2. 
   sonlar hеch qachon bеlgi ifodalovchi so`zlarni o`ziga tobе qilib kеlmaydi; 3) sonlar ot oldida aniqlovchi bo`lib kеlganda, u bilan birikib yaxlit bir bo`lak vazifasini bajaradi: Ikkala do`st quchoqlashib ko`rishishdi. 4) son va sifat aniqlovchi bo`lib kеlganda, oldin son, kеyin sifat kеladi: beshta shirin qovun. 5) Sonlar gapda ko`pincha aniqlovchi va kеsim vazifasida kеladi: Bеshta qalam oldi. Maqsadimiz bitta.
   

Sof portlovchilar - havo to`lqinining ikkita nutq a'zosi orasidan otilib chiqishi natijasida paydo bo`ladigan nutq tovushlari: b, d, g, p, t, k, q.