M. A. Azizov umumiy gigiyena va ekologiya tibbiyot kollejlari uchun o‘quv qo‘llanma To‘rtinchi nashri

Profilaktikasi. CI.perfringens qo‘zg‘atgan toksikoinfeksiya- larning oldini olish quyidagilardan iborat:

1. 
   Go‘shtni qayta ishlaydigan korxonalarda sanitariya qoi- dalariga rioya qilinishi ustidan nazorat o‘rnatish (mahsulotlarning zararlanmaslik tadbirlari).
   
2. 
   Go‘sht va boshqa mahsulotlarni past haroratda saqlash.
   
3. 
   Yaxshilab pishirish, ya’ni kolbasa va boshqa go‘shtli mah- sulotlarni tayyorlash uchun ajratilgan mahsulot va ziravorlarni sterillash.
   

12. 
    §. SPORALI AEROBLAR (BAC. CEREUM.) QO‘ZG‘ATGAN OVQAT TOKSIKOINFEKSIYALARI
    

So‘nggi yillarda qator mamlakatlarda qo‘zg‘atuvchisi B.ce- reum bo‘lgan ovqat toksikoinfeksiyalari avj olmoqda. Bu tashqi muhitda keng tarqalgan spora hosil qiladigan aerob hisoblanadi. B.cereum go‘sht qiymasida, ichak-chavoqdan tayyorlangan kol- basada, sutda, baliqda, ayniqsa, tez ko‘payadi.
Toksikoinfeksiyalar 1 g mahsulotda 106-109 tagacha mik­roblar bo‘lgan oziq-ovqat mahsulotlarini iste’mol qilganda vujud­ga kelishi mumkin.
Klinikasi. Kasallikning yashirin davri (4-16 soat) o‘tgandan keyin qorin sanchib og‘riydi, ko‘ngil ayniydi (sutkasiga 10-15 marta). Bemor qusmasligi mumkin, harorati o‘zgarmaydi,




kasallik qisqa muddat (12—48 soat) davom etadigan va sog‘ayish bilan tugallanadigan yengil toksikoz ko‘rinishida kechadi.
Zararlangan kolbasa yeyilgandan 2 soat o‘tgach, kasallik alomatlari sezilgan, kasallik boshlangandan 14 soat keyin esa bemor qon aralash qusgan va o‘lgan. Jasad yorib ko‘rilganda toksik enterit aniqlangan.