Л.ҚУрбонова, М. Назаров илмий тадқиқот методологияси

Корредукцив тамойили – “бутуннинг хоссалари унинг таркибий қисмлари хоссаларининг йиғиндисидан катта” деган маълум қоидага асосланади. Контредукция тамойили элементар зарралардан тортиб то ижтимоий–табиий тизимларгача бўлган барча табиий объектларга, жумладан, табиий тилга насбатан амал қилади.
Моделлаштириш – муайян объектнинг тавсифларини, характерис-тикасини бошқа бир объектда моделда шакллантириш бўйича тадқиқот усули (методи). Моделнинг ҳақиқий оригиналининг яқинлаштирилган аналоги. Бу аналог фикрий ёки ташқи сифат кўриниши бўлиши мумкин.
Объективизм (объективлик) – объектив, реаллик, маданий–тарихий субъектга реалликка инсон оламига нигилистик қараш, холислик.
Синергетика – фалсафий категория сифатида коинотнинг вужудга келиши–модданинг сингуляр ҳолатдан чиқиши ёки моддийликнинг гравитация жиловидан чиқиб кетиши тарзида изоҳланади. Сингуляр ҳолатни абсолют катта массанинг, абсолют кичик нуқтавий ҳажмда мужассамлашуви деб тасвирланади.
Синтез – объектни реал ёки фикран бирлаштириш, бир бутунликка айлантириш. Синтезнинг оқибати мутлақо янги нарса, янги ҳосила бўлиши мумкин.
Структуравий – функционал метод–яхлит тизимларда уларнинг структурасини, структуранинг таркибий қисмлари ўртасидаги барқарор муносабатлар ва ўзаро алоқаларни ҳамда уларнинг бир–бирига нисбатан роллари, функцияларини ажратиш тушунилади.
Структура – тизимнинг тузилиши ва ички шакли, мазкур тизимнинг таркибий қисмлари ўртасидаги барқарор ўзаро алоқаларнинг бирлигини ифодаловчи фалсафий тушунча.
Сунъий интеллект – Дак.Маккарти томонидан фанга киритилган (1956 йилда) XX асрнинг II ярмида ҳисоблаш техникаси математик мантиқ, дастурлаш, психология, лингвистика, нейрофизиология в.б. билимлар асосида пайдо бўлган, муайян функция ва характеристикага эга бўлган техник тизимлар тушунилади.
Техника фалсафаси – инсон–машина муносабатларининг энг умумий шаклларини ўрганувчи фалсафий тушунча.
Функция – тизимдаги ҳар бир таркибий қисмнинг “вазифаси” деб тушунилади. Масалан, биологик аъзо функциялари, давлат функциялари, назариянинг функциялари тушунилади.
Эвристика – (юнонча–излайман, очаман) кўп маъноли тушунча, бизнинг мавзуда психология “сунъий интеллект” назарияси, ахборот назарияси каби фанлар кесимида ривожланаётган фан сифатида масалаларни жамоа сифатида (коллектив) ҳал қилиш янги субъект ва объект муносабатларини тадқиқ қилиш усули. Унумли ижодий тафаккурини ташкил этиш жараёни.