Л.ҚУрбонова, М. Назаров илмий тадқиқот методологияси

Гигант ҳажмли берилганлар
Ушбу берилганларнинг ичида керакли натижа учун ҳисса қўшмайдиганлари ҳам бўлиши мумкин. Бу ҳолда берилганлар билан ишлаш катта ресурс талаб қилади.
Ҳато ўлчанган берилганлар
DM усулида кўзланган мақсадга етишнинг асосий шарти берилганларнинг қанчали аниқ ва ишончли бўлишига боғлиқ.
Берилганларни ўлчашдаги ҳатоликлар натижага салбий таъсир кўрсатади.
Ўлчанмаган берилганлар
Ноаниқ сабабларга кўра берилганлардаги айрим аломатлар ўлчанмасдан қолиши мумкин. (Масалан, ўлчаш асбобининг ишдан чиқиши).
Ҳар хил тоифали берилганлар
Реал ҳаётда объектларнинг аломатлари ҳар хил тоифали (миқдорий, номинал, бинар ва тартибли) бўлади ва улар билан ишлаш ўзига яраша муаммолар яратади.
Информатив аломатларни танлаш
Танловдаги объектлар аломатларининг ичида бир–бирини такрорлайдиганлари ёки олинадиган натижага таъсир кўрсатмайдиганлари учраши мумкин. Бундай информатив бўлмаган аломатларни танловдан чиқариб ташлаш модел сифатини оширади ва берилганларни қайта ишлашда ресурсларни тежалишига олиб келади. Аммо аломатларни саралаш масаласининг мураккаблиги комбинаторли характерга эга. Шунинг учун аломатларни танлашда тўлиқ саралаш (перебор)ни камайтирадиган усулларни топиш DM нинг замонавий муаммоларидан ҳисобланади.
Латент аломатларни топиш
Латент аломатлар бу‑ танловда мавжуд аломатлардан маълум комбинация натижасида ҳосил қилинадиган яширин аломатлардир. Танловдаги аломатлар ҳар доим ҳам қарор қабул қилиниши учун етарли бўлмаслиги мумкин. Шундай вазиятда латент аломатлар ёрдамида янги аломатлар фазоси қурилади ва масала ечилади. Информатив бўлган латент аломатларни топиш муаммоси ҳозиргача тўла ўз ечимини топмаган.

Этолон объектларни топиш
Ҳар хил тоифали гигант ҳажмли танловлар билан ишлашда танловни тўлиқ қоплайдиган ва минимал сондаги этолон объектларни топиш.
DM технологиялари инсон фаолиятининг деярли барча соҳаларига тез суръатларда кириб бормоқда. Дастлаб банк иши, суғурта, электрон тижорат ва электрон маркетингда қўлланила бошлаган бўлса, ҳозирги кунга келиб, саноат, молиявий тахлил, веб ресурс ва матн таҳлили, давлат сектори, биология, генетика медицина ва техника фанлар каби сохаларда ҳам фойдаланилмоқда.
Ижтимоий тармоқлар тахлили, терроризмга қарши кураш ва мобил тармоқ тахлили, биржа, сейсмология соҳаларида самарали натижалар бермоқда.
Шунинг учун дунёнинг илғор мамлакатлари DM технологияларини ривожлантиришга катта маблағ ва мутаҳассисларни жалб қилмоқда.⁵⁷