Луғат. Тузувчилар: Абулқосимов Ҳ. П., Абулқосимов М.Ҳ

Халқаро қишлоқ хўжалиги тараққиёти жамғармаси
– 
кўп қиррали молиявий муассаса сифатида Бутунжаҳон озиқ - 
овқат конференциясининг 1974 йилги қарорига мувофиқ 1977 
йилда ташкил топган. У ўз олдига кам даромадли ва озиқ - 
овқат етишмайдиган қишлоқ ҳудудларидаги аҳолининг оч-
наҳор ҳаёт кечиришига қарши курашишни мақсад қилиб 
қўйган. Жамғарманинг бош мақсади – озиқ - овқат 
маҳсулотларини кўпайтириш учун барча имкониятларни жалб 
этиш ва ривожланаётган мамлакатлар аҳолисининг камбағал 
қатламларининг овқатланишини яхшилашдир.Бутун жаҳон 
банки,ҳудудий тараққиёт банклари ва Бирлашган миллатлар 
ташкилотининг молиявий органлари ва муассасаларининг 
аксарияти Халқаро қишлоқ хўжалиги тараққиёти жамғармаси 
лойиҳаларини молиялаштиришда иштирок этадилар. Мазкур 
жамғарманинг раҳбар органи барча аъзо вакилларидан ва ҳар 

---

- 373 - 
йили чақириладиган бошқарувчилар кенгашидан иборат. 
Амалга оширилаётган фаолиятни 18 директор ва 18 
ўринбосардан иборат ижроия кенгаш кузатиб боради.
 Халқаро ҳамкорлик ва тараққиёт ташкилоти (ОЭСР)
— энг ривожланган индустриал мамлакатлар бирлашмаси. 
 Халқаро ҳисоб-китоблар
— турли давлатларнинг 
ҳуқуқий ва жисмоний шахслари ўртасида иқтисодий, сиёсий 
ва маданий муносабатлардан келиб чиқувчи пул талаблари ва 
мажбуриятлари бўйича тўловларни ташкил этиш ва тартибга 
солиш жараёни. 
 Халқаро ҳисоб-китоблар банки – 
давлатлараро банк. 
Марказий банклар билан тижорат муомаласини олиб боради, 
халқаро валюта ҳамкорлигини ташкил қилишда қатнашади. 
1930 йилги Гаага конференциясига мувофиқ Англия, 
Франция, Германия, Бельгия, Италия давлатларининг 
бошчилигида таъсис қилинган. Ҳозирги аъзолари: Европадаги 
30 мамлакатнинг Марказий банклари, шунингдек АҚШ, 
Канада, Австралия, Япония ва Жанубий Африка Республикаси 
ҳисобланади.