Loyiha toshkent davlat yuridik universiteti

Majburiyatlarni  bajarish  muddatlari.  Fuqarolik  huquqlarini 
amalga  oshirish  muddatlari  bilan  birga  fuqarolik  huquqida  u  bilan  uzviy 
bogʻliq  boʻlgan  fuqarolik  majburiyatlarini  bajarish  muddatlari  ham 
mavjud. Har qanday fuqarolik huquqlarini amalga oshirishda vaqt muhim 
ahamiyatga ega boʻlganidek, majburiyatlarni bajarishda ham vaqt alohida 
oʻrinni  egallaydi.  Zero,  subyektga  tegishli  huquq  bilan  bir  vaqtda  shu 
huquq  bilan  yonma-yon  majburiyat  ham  mavjud  boʻladi.  Bir  shaxsning 
huquqini  amalga  oshirish  muddati  ikkinchi  shaxsning  majburiyatni 
bajarish muddati hisoblanadi.  
 
Masalan, qarz shartnomasiga muvofiq, 1 may kuni olingan qarz 3 oy oʻtgach, 
ya’ni  1  avgustda  qaytarilishi  bir  vaqtning  oʻzida  ham  huquqni  amalga  oshirish 
muddatini, ham majburiyatni bajarish muddatini ifodalaydi.