Loyiha O‘zbekiston respublikasi adliya vazirligi toshkent davlat yuridik universiteti

E’tibor qiling! 
Tergovchi bilan boshqa ishtirokchilar protsessual 
hamkorligi eng samarali bo‘lib, uning asosiy xususiyatlari quyidagilar: 
1)
 
umumiy maqsad sari bo‘ysundirilgan tergov-tezkor guruh 
tomonidan amalga oshiriladigan tergov harakatlari va tezkor-tergov 
tadbirlari o‘tkaziladi. 
2)
 
tergov-tezkor guruh a’zolarining barcha harakatlari xususan, 
umumiy rejani ishlab chiqish jarayonida o‘zaro kelishiladi; 
3)
 
tergov-tezkor guruh ishtirokchilarining har biri o‘z vakolati 
doirasida harakat qilib, funksional mustaqillikni saqlab qoladi; 
4)
 
tergov-tezkor guruh tarkibida ishlash tergovchiga tezkor yo‘l 
bilan olingan ma’lumotdan, tezkor xodimlarga esa – tergov harakati 
vaqtida olingan ma’lumotdan darhol foydalanish imkonini beradi. 

---

348 
Tergov-tezkor guruh tergovchi rahbarligida ishlaydi. U ishni 
tergov qilishga, hamkorlik sub’ektlari oldiga o‘z vaqtida vazifalar 
qo‘yishga, taqdim etilgan ma’lumotlardan to‘laligicha foydalanishga 
javobgardir. 
Tergov-tezkor guruh odatda quyidagi harakatlarni bajaradi: 
1) hodisa joyini ko‘zdan kechirish.
Bunday guruhlar vaqtincha 
bo‘lib, ichki ishlar organlari navbatchi qismlarida bo‘ladi va o‘rnatilgan 
jadvalga muvofiq almashadi. Guruh tarkibi har doim yangilanib turadi; 
uning tarkibiga tergovchi, jinoyat qidiruv xodimi, mutaxassislar – 
kriminalist va sud-tibbiyot mutaxassisi, kinolog kiradi. Guruh 
majburiyatlari – hodisa joyini malakali ko‘zdan kechirish va shu bilan 
bog‘liq kechiktirib bo‘lmaydigan tergov harakatlari va tezkor-qidiruv 
tadbirlarini o‘tkazishdan iboratdir. Ichki ishlar organi xizmat 
ko‘rsatadigan aholining soni va hududning katta-kichikligiga qarab bir 
vaqtning o‘zida bir necha tergov-tezkor guruh navbatchilik qilishi 
mumkin.