Loyiha O‘zbekiston respublikasi adliya vazirligi toshkent davlat yuridik universiteti

E’tibor qiling! 
Hamkorlikning 
noprotsessual
shakllari xilma-xil 
bo‘lib, ishtirokchilar doirasi ham ancha kengdir. Ularning eng 
asosiylari: 
1)
mutaxassislarning tergovchiga u yoki bu tergov harakatlarini 
tayyorlashda va natijalarini baholashda ko‘maklashishi; tergovchining 
texnik topshiriqlarini bajarish; texnik-kriminalistik vositalarni 
tayyorlash va h.k. 
2)
tezkor ma’lumotlardan foydalanish bo‘yicha tergovchi 
harakatlarini birga rejalashtirish; tezkor ma’lumot yordamida so‘roq 
qilinayotgan shaxsga beriladigan savollarni, jabrlanuvchi ishtirokidagi 
tezkor guruh taktikasini, tezkor-taktik rejasini muhokama qilish; 
3)
shaxs va predmetlarning qidiruvini tashkil etishda, turli 
ob’ektlarni tanib olishda, qidiruv ishtirokchilarini kengaytirishda; 
profilaktik choralarni ko‘rishda ommaviy axborot vositalari; 
4)
jinoyatni sodir etilishiga ko‘maklashgan sharoitlar haqida 
kriminalistik muhim ma’lumotni olish; jinoyatni oldini olish bo‘yicha 
choralar ko‘rish; korxona va muassasalarda hujjat va tovar 
ayirboshlash tartibini o‘rganish va boshqalar; 
5)
qidiruv tadbirlarini o‘tkazishda aholi va jamoat uyushmalaridan 
foydalanish, yo‘naltiruvchi ma’lumotlarni aniqlash, u yoki bu shaxsga 
tavsifnoma olish va boshqalar. 
E’tibor qiling! 
Tezkor ma’lumotdan 
bevosita foydalanishga
quyidagilar kiradi: tergov yo‘nalishi va jinoyatchining shaxsini 
aniqlash; uning asosida tergov harakatlarining ketma-ketligi va 
xususiyatlarini belgilash; tergov harakatlarini asoslash – jinoyat ustida 
qo‘lga olish, tintuv va boshqalar; hozir-javoblik darajasida ustunlikka 
ega bo‘lish; tergov vaziyatini baholash va taktik qaror qabul qilishda 
tezkor ma’lumotlarni hisobga olish. 
Tezkor ma’lumotlardan 
bilvosita foydalanish
uning manbalariga 
protsessual tus berish, so‘ng esa ushbu manbalardan mazkur 
ma’lumotni qaytadan, lekin endi dalil sifatida olish yo‘llarini izlash 
shaklida namoyon bo‘ladi. 

---

350