Loyiha matni 49901-(61999)

project.gov.uz
06.06.2022
70
Koʻrsatilgan hujjatlar va maʼlumotlarning nisbatan yuqori kuchi tadbirkorlik subyektini davlat
roʻyxatidan oʻtkazish, qayta roʻyxatdan oʻtkazish tartibida nomutanosiblik bartaraf etilgunga qadar
saqlanib qoladi.
147-modda. Reyestrga yozuv kiritish asoslari va tartibi
Quyidagilar Reyestrga yozuv kiritish uchun asos boʻladi:
belgilangan tartibda davlat roʻyxatidan oʻtkazish, davlat roʻyxatidan qayta oʻtkazish, tadbirkorlik
subyekti-yuridik shaxsni Reyestrdan chiqarish, Reyestrdagi mavjud maʼlumotlarni oʻzgartirish;
davlat roʻyxatidan oʻtkazishni, davlat roʻyxatidan qayta oʻtkazishni haqiqiy emas deb topish
toʻgʻrisidagi qonuniy kuchga kirgan sud qarori mavjudligi, shuningdek tadbirkorlik subyekti-yuridik
shaxs toʻlovga qobiliyatsiz deb tan olinganda;
qonunchilik hujjatlarida belgilangan boshqa holatlar.
Reyestrga yozuvlar davlat roʻyxatidan oʻtkazishda, davlat roʻyxatidan qayta oʻtkazishda taqdim
etiladigan hujjatlar asosida, shuningdek davlat organlari va boshqa tashkilotlar tomonidan Reyestrda
nazarda tutilgan maʼlumotlar va (yoki) hujjatlar taqdim etilganda kiritiladi.
Har bir yozuvga Tizim tomonidan raqam beriladi va uning Reyestrga kiritilgan sanasi
koʻrsatiladi.
148-modda. Reyestrdagi maʼlumotlarni taqdim etish
Jismoniy va yuridik shaxslar yoxud boshqa tashkilotlarning yozma soʻrovnomalari yoki onlayn
ravishda Tizim orqali shakllantirilgan arizasi boʻyicha Reyestrdan aniq yuridik shaxslar va yuridik shaxs
boʻlmagan tadbirkorlik subyektlari toʻgʻrisidagi axborot koʻchirmalar koʻrinishida soʻralgan hujjat,
soʻralayotgan axborot va (yoxud) hujjatlarning Reyestrda mavjud emasligi toʻgʻrisidagi maʼlumotnoma,
shuningdek tadbirkorlik subyektlarining oʻziga taalluqli hujjatlar toʻliq hujjat koʻrinishida elektron
shaklda bepul taqdim etiladi.
Maʼlumotnoma roʻyxatdan oʻtkazuvchi organ tomonidan tegishli soʻrovnoma olingan paytdan
boshlab uch ish kunida taqdim etiladi.
Hisob palatasi, huquqni muhofaza qiluvchi organlar, Monopoliyaga qarshi kurashish qoʻmitasi
va Davlat aktivlarini boshqarish agentligi Reyestrdan maʼlumotlarni faqat Tizim orqali mustaqil ravishda
oladi. Boshqa davlat yoki xoʻjalik boshqaruv organlari tomonidan Reyestrdan maʼlumot olish ushbu
moddaning birinchi qismida belgilangan tartibda amalga oshiriladi.