Loyiha matni 49901-(61999)

5-§. Tadbirkorlik subyekti-yuridik shaxslar birlashmalarini davlat roʻyxatidan oʻtkazish,
shu jumladan davlat roʻyxatidan qayta oʻtkazish
149-modda. Tadbirkorlik subyekti-yuridik shaxslar birlashmalarini davlat roʻyxatidan
oʻtkazish uchun murojaat qilish

---

project.gov.uz
06.06.2022
71
Ikki va undan ortiq tadbirkorlik subyekti-yuridik shaxslar birlashmalarini davlat roʻyxatidan
oʻtkazish, shu jumladan davlat roʻyxatidan qayta oʻtkazish uchun ariza beruvchi (yuridik shaxslar
birlashmasining vakili) roʻyxatdan oʻtkazuvchi organga oʻzi kelib yoki Tizim orqali murojaat etadi.
Ariza beruvchi oʻzi kelib murojaat etgan taqdirda, roʻyxatdan oʻtkazuvchi organ xodimi ariza
beruvchi nomidan, Tizim orqali murojaat etgan taqdirda, esa ariza beruvchi mustaqil ravishda roʻyxatdan
oʻtkazish uchun soʻrovnomani elektron ravishda toʻldiradi.
Ariza beruvchi tomonidan tadbirkorlik subyekti-yuridik shaxslar birlashmalarining nomi lotin
alifbosida tanlanadi va uning boshqa yuridik shaxslarning nomlari bilan adashtirib yuborish darajasida bir
xil yoki ularga oʻxshashligini tekshirish Tizim tomonidan avtomatik tarzda amalga oshiriladi.
Soʻrovnomaga quyidagi hujjatlar elektron shaklda ilova qilinadi:
davlat tilidagi taʼsis shartnomasi va ustav qabul qilinganligi toʻgʻrisidagi taʼsis yigʻilishi
(konferensiyasi) bayoni;
davlat tilidagi belgilangan tartibda tasdiqlangan taʼsis shartnomasi va ustav;
tadbirkorlik subyekti-yuridik shaxslar birlashmalari ajratib chiqarish yoki qoʻshib yuborish
shaklida qayta tashkil qilinganda – qayta tashkil qilinayotgan tadbirkorlik subyekti-yuridik shaxslar
birlashmalarining barcha kreditorlar va qarzdorlar oldidagi barcha majburiyatlar boʻyicha, jumladan
taraflar oʻrtasidagi daʼvolashayotgan majburiyatlar yuzasidan huquqiy vorislikni oʻz ichiga olgan
taqsimlash balansi yoki topshirish dalolatnomasi.
Bunda taʼsis shartnomasi va ustav qabul qilinganligi toʻgʻrisidagi taʼsis yigʻilishi
(konferensiyasi) bayoni tadbirkorlik subyekti-yuridik shaxslar birlashmalari aʼzolari tomonidan Tizimda
elektron ravishda ham tasdiqlanishi mumkin.