Loyiha matni 49901-(61999)

153-modda. Tadbirkorlik subyekti-yuridik shaxslar birlashmalarini davlat roʻyxatidan

---

project.gov.uz
06.06.2022
74
qayta oʻtkazishning oʻziga xos xususiyatlari
Oʻzbekiston Respublikasi hududida faoliyat koʻrsatayotgan tadbirkorlik subyekti-yuridik
shaxslar birlashmalari qayta tashkil etilgan yoki asosiy faoliyat yoʻnalishlarida oʻzgarishlar yuz bergan
taqdirda yoxud taʼsis hujjatlariga boshqacha tarzda oʻzgartirish va qoʻshimchalar kiritilganda, shuningdek
aʼzolari tarkibida oʻzgarishlar yuz berganda ular 30 kunlik muddatda roʻyxatdan oʻtkazuvchi organga
qayta roʻyxatdan oʻtish uchun murojaat qilishlari shart.
Tadbirkorlik subyekti-yuridik shaxslar birlashmalarini qayta roʻyxatdan oʻtkazish, shuningdek
ularni qayta tashkil etish boʻyicha murojaatlarni koʻrib chiqish ushbu bobda nazarda tutilgan tartibda va
muddatlarda amalga oshiriladi.
Tadbirkorlik subyekti-yuridik shaxslar birlashmalari oʻzining pochta manzili va rahbari
oʻzgargan taqdirda bu haqida roʻyxatdan oʻtkazuvchi organni 10 kundan kechiktirmay oʻzining
Tizimdagi shaxsiy kabineti orqali xabardor qiladi. Roʻyxatdan oʻtkazuvchi organ tadbirkorlik subyekti-
yuridik shaxslar birlashmalarining pochta manzili va rahbari oʻzgarganligi haqida xabarnoma olgan
vaqtdan boshlab 1 ish kuni davomida Reyestrga tegishli yozuvni kiritadi va bu toʻgʻrisida davlat soliq
xizmati va statistika organlarini xabardor qiladi.
11-bob. Firma nomlari
154-modda. Firma nomi
Firma nomi yuridik shaxs boʻlgan tadbirkorlik subyekti-yuridik shaxsning (bundan buyon ushbu
bobda yuridik shaxs deb yuritiladi) individual nomi boʻlib, unga doir mutlaq huquq yuridik shaxs davlat
roʻyxatidan oʻtkazilgan vaqtda yuzaga keladi.
Yuridik shaxs toʻliq firma nomi bilan birga qisqartirilgan firma nomiga ham ega boʻlishi
mumkin.
Yuridik shaxsning firma nomida uning tashkiliy-huquqiy shakli koʻrsatilishi kerak.
Qonunda nazarda tutilgan hollarda firma nomida yuridik shaxs faoliyatining xususiyati
koʻrsatilishi kerak.