Loyiha matni 49901-(61999)

162-modda. Chet el yuridik shaxslarining huquqlari
Chet el yuridik shaxslari ushbu Kodeksda nazarda tutilgan firma nomlariga boʻlgan huquqlardan
Oʻzbekiston Respublikasining xalqaro shartnomalariga binoan yoki oʻzaro kelishuv prinsipi asosida
Oʻzbekiston Respublikasining yuridik shaxslari bilan teng ravishda foydalanadilar.
12-bob. 
Litsenziyalash
, ruxsat berish va xabardor qilish
163-modda. Litsenziyalash, ruxsat berish va xabardor qilish sohasidagi tartib-
taomillarining davlat tomonidan tartibga solinishi
Litsenziyalash, ruxsat berish va xabardor qilish sohasidagi tartib-taomillarining davlat tomonidan
tartibga solinishi tadbirkorlik subyektlari tomonidan faoliyatning (harakatlarning) ayrim turlari (kichik
turlari) amalga oshirilishi uchun ushbu Kodeks va Oʻzbekiston Respublikasining “Litsenziyalash, ruxsat
berish va xabardor qilish tartib-taomillari toʻgʻrisida”gi Qonuniga muvofiq litsenziya, ruxsat berish va
xabardor qilish tartib-taomillarini joriy etishdan iboratdir.
164-modda. Litsenziyalash, ruxsat berish va xabardor qilish tartib-taomillarini joriy etish
uchun asoslar
Agar tadbirkorlik subyektlari tomonidan faoliyatning (harakatlarning) ayrim turlarini (kichik
turlarini) amalga oshirish fuqarolarning hayoti va sogʻligʻiga zarar, jismoniy va yuridik shaxslarning
huquqlari hamda qonuniy manfaatlariga ziyon, jamoat xavfsizligiga ziyon va (yoki) atrof-muhitga zarar
yetkazilishiga sabab boʻlishi mumkin boʻlsa, litsenziyalash ruxsat berish va xabardor qilish tartib-
taomillari joriy etiladi.
165-modda. Litsenziyalash, ruxsat berish va xabardor qilish sohasidagi faoliyatni
(harakatlarni) amalga oshirishga talablar

---

project.gov.uz
06.06.2022
78
Faoliyatning (harakatlarning) ayrim turlarini (kichik turlarini) boshlash hamda amalga oshirish
uchun tadbirkorlik subyektlari Oʻzbekiston Respublikasining “Litsenziyalash, ruxsat berish va xabardor
qilish tartib-taomillari toʻgʻrisida”gi Qonunida belgilangan tartibda amaldagi litsenziya (ruxsat etish
xususiyatiga ega hujjat)ga ega boʻlishi yoki tegishli vakolatli organlarni xabardor qilishi kerak.
Tadbirkorlik subyektlari tomonidan Oʻzbekiston Respublikasining “Litsenziyalash, ruxsat berish
va xabardor qilish tartib-taomillari toʻgʻrisida”gi Qonuni bilan litsenziyalash, ruxsat berish va xabardor
qilish tartib-taomillari oʻrnatilgan faoliyat (harakatlar) turlari (kichik turlari) litsenziyasiz (ruxsat etish
xususiyatiga ega hujjatsiz) yoki tegishli vakolatli organlarni xabardor qilmasdan amalga oshirilishiga yoʻl
qoʻyilmaydi.