Loyiha matni 49901-(61999)

61-modda. Oilaviy korxonaning kommunal infratuzilma obyektlaridan foydalanishini
taʼminlash
Oilaviy korxona turar joydan bir vaqtning oʻzida unda istiqomat qilgan holda tovarlar ishlab
chiqarish (ishlar bajarish, xizmatlar koʻrsatish) uchun foydalangan taqdirda, kommunal infratuzilma
xizmatlari (elektr energiyasi, suv taʼminoti, kanalizatsiya, gaz taʼminoti va issiqlik taʼminoti) haqini
toʻlash aholi uchun belgilangan tariflar boʻyicha va shartlar asosida amalga oshiriladi.
Kommunal xizmat koʻrsatish, elektr va gaz taʼminoti korxonalari zarur kommunikatsiya
tarmoqlarining oilaviy korxona faoliyati amalga oshirilayotgan joygacha yetkazilishini hamda ulanishini
aholi uchun belgilangan tariflar boʻyicha va shartlar asosida taʼminlaydi.
62-modda. Oilaviy korxonani tugatish asoslari
Oilaviy korxonani tugatish ushbu Kodeksning 21-bobida belgilangan tadbirkorlik subyektlari-
yuridik shaxslarni tugatish asoslaridan tashqari oilaviy korxonani tugatish agar unda oilaviy korxonaning
yagona ishtirokchisi qolgan boʻlsa amalga oshiriladi.
4-§. Xususiy korxona
63-modda. Xususiy korxonaning umumiy qoidalari
Mulkdor yagona jismoniy shaxs tomonidan tuzilgan va boshqariladigan tijoratchi tashkilot
xususiy korxona deb eʼtirof etiladi.

---

project.gov.uz
06.06.2022
26
Xususiy korxona oʻz mulkida alohida mol-mulkka ega boʻladi, oʻz nomidan mulkiy va shaxsiy
nomulkiy huquqlarga ega boʻlishi hamda ularni amalga oshirishi, majburiyatlarni bajarishi, sudda
daʼvogar va javobgar boʻlishi mumkin.
Xususiy korxona oʻz majburiyatlari boʻyicha oʻziga qarashli butun mol-mulk bilan javob beradi.
Xususiy korxona mulkdori korxonaning mol-mulki yetarli boʻlmagan taqdirda xususiy
korxonaning majburiyatlari boʻyicha oʻziga qarashli mol-mulk bilan qonunchilikka muvofiq subsidiar
javobgar boʻladi.
Xususiy korxona toʻliq firma nomiga ega boʻlishi lozim va qisqartirilgan firma nomiga ega
boʻlishga haqli. Xususiy korxonaning toʻliq firma nomi uning toʻliq nomini va “xususiy korxona” degan
soʻzlarni oʻz ichiga olgan boʻlishi kerak. Xususiy korxonaning qisqartirilgan firma nomi uning
qisqartirilgan nomini va “xususiy korxona” degan soʻzlarni yoki “XK” abbreviaturasini oʻz ichiga olishi
kerak.