Loyiha matni 49901-(61999)

64-modda. Xususiy korxona tuzish tartibi
Xususiy korxona mulkdor tomonidan tuziladi, mulkdor unga tegishli mol-mulk beradi va uning
ustavini tasdiqlaydi.
65-modda. Xususiy korxonani boshqarish
Xususiy korxona mulkdori korxonani rahbar sifatida yakka boshqaradi, korxona nomidan
ishonchnomasiz ish koʻradi, uning manfaatlarini ifodalaydi, xususiy korxonaning pul mablagʻlarini
hamda boshqa mol-mulkini tasarruf etadi, shartnomalar, shu jumladan mehnat shartnomalari tuzadi,
ishonchnomalar beradi, banklarda hisobvaraqlar ochadi, shtatini tasdiqlaydi, korxonaning barcha
xodimlari uchun majburiy boʻlgan buyruqlar chiqaradi va koʻrsatmalar beradi.
Xususiy korxona mulkdori oʻzi vaqtinchalik boʻlmagan taqdirda shu muddatda rahbarlik
vazifasini bajarib turishni boshqa jismoniy shaxs zimmasiga yuklash toʻgʻrisida yozma qaror qabul
qiladi. Xususiy korxona mulkdori ushbu rahbarning xususiy korxona mol-mulkini tasarruf etishga oid
huquqini cheklab qoʻyishi mumkin.
66-modda. Xususiy korxona mulkdorining huquqlari va majburiyatlari
Xususiy korxona mulkdori quyidagi huquqlarga ega:
xususiy korxona ustaviga qonunchilikda belgilangan tartibda oʻzgartirishlar va qoʻshimchalar
kiritish;
xususiy korxonani qayta tashkil etish va tugatish toʻgʻrisida qaror qabul qilish;
xususiy korxonaning soliq va yigʻimlar toʻlanganidan keyin qolgan foydasidan oʻz ixtiyoriga
koʻra foydalanish;

---

project.gov.uz
06.06.2022
27
xususiy korxonaga tegishli mol-mulkni boshqa shaxsga berish, ijaraga berish, garovga qoʻyish,
boshqa yuridik shaxslarning ustav fondiga (ustav kapitaliga) hissa sifatida kiritish yoki ushbu mol-mulkni
boshqacha usulda tasarruf etish.
Xususiy korxona mulkdori qonunchilikka muvofiq boshqa huquqlarga ham ega boʻlishi mumkin.
Xususiy korxona mulkdori oʻziga qarashli korxonani yakka boshqarishi shart.
Xususiy korxona mulkdori zimmasida qonunchilikka muvofiq boshqa majburiyatlar ham boʻlishi
mumkin.