Loyiha matni 49901-(61999)

57-modda. Oilaviy korxona boshligʻi
Yuridik va jismoniy shaxslar bilan oʻzaro munosabatlarda oilaviy korxona nomidan uning
boshligʻi ish koʻradi.
Oilaviy korxona ishtirokchilaridan biri uning boshligʻi boʻlishi mumkin, unga oilaviy
korxonaning barcha ishtirokchilari bir ovozdan ish muomalasida oʻz nomlaridan ishtirok etish huquqini
beradi.

---

project.gov.uz
06.06.2022
24
Oilaviy korxona boshligʻi vaqtinchalik mehnat qobiliyatini yoʻqotgan yoki uzoq vaqt boʻlmagan
taqdirda, u oʻz vazifasini vaqtincha bajarib turish vakolatini oilaviy korxonaning qolgan ishtirokchilari
bilan kelishgan holda ulardan biriga berishga haqli.
58-modda. Oilaviy korxona ishtirokchilarining umumiy yigʻilishi
Oilaviy korxona ishtirokchilarining umumiy yigʻilishi oilaviy korxonaning yuqori boshqaruv
organidir.
Oilaviy korxona ishtirokchilari umumiy yigʻilishining vakolatlariga quyidagilar kiradi:
oilaviy korxonaning taʼsis shartnomasiga oʻzgartirish va qoʻshimchalar kiritish;
oilaviy korxona boshligʻini saylash (tayinlash) va ozod qilish;
oilaviy korxona faoliyatining turlarini belgilash;
oilaviy korxonaning ustav fondini (ustav kapitalini) belgilash va uning miqdoriga oʻzgartirishlar
kiritish;
oilaviy korxona ishtirokchilari tarkibini oʻzgartirish toʻgʻrisidagi masalani koʻrib chiqish va hal
qilish;
oilaviy korxona boshligʻining oilaviy korxona moliya-xoʻjalik faoliyati toʻgʻrisidagi yillik
hisobotini koʻrib chiqish;
taʼsis shartnomasiga muvofiq oilaviy korxonaning foydasini taqsimlash toʻgʻrisida qaror qabul
qilish;
oilaviy korxonaning mol-mulkiga doir yirik bitimlar tuzish toʻgʻrisida qaror qabul qilish.
Oilaviy korxona ishtirokchilari umumiy yigʻilishining vakolatlariga taʼsis shartnomasida nazarda
tutilgan boshqa masalalarni hal etish ham kiritilishi mumkin.