Loyiha matni 49901-(61999)

project.gov.uz
06.06.2022
64
miqdorining oʻzgartirilishida, ulushning (hissaning) boshqa shaxsga oʻtishida qayta roʻyxatdan
oʻtkazishni rad etish uchun asoslarni oʻrganish bundan mustasno.
Roʻyxatdan oʻtkazish maʼlumotlarini Tizimga kiritish oxiriga yetganidan soʻng roʻyxatdan
oʻtkazuvchi organ masʼul xodimi Tizim tomonidan unga kiritilgan roʻyxatdan oʻtkazish maʼlumotlari
asosida shakllantirilgan soʻrovnomani, unda koʻrsatilgan maʼlumotlar bilan rozi boʻlgan taqdirda
soʻrovnomani oʻz qoʻli bilan imzolovchi ariza beruvchi uni tekshirib chiqishi uchun soʻrovnomani qogʻoz
koʻrinishida chop etadi.
Davlat roʻyxatidan oʻtkazishni, davlat roʻyxatidan qayta oʻtkazishni (bundan ustav fondi (ustav
kapitali) miqdorining oʻzgartirilishi, ulushning (hissaning) boshqa shaxsga oʻtishi mustasno) rad etish
uchun asoslar mavjud boʻlmaganda, ariza ariza beruvchi tomonidan imzolanganidan soʻng roʻyxatdan
oʻtkazuvchi organ masʼul xodimi barcha qogʻoz koʻrinishida taqdim etilgan hujjatlarni (ariza
beruvchining shaxsini tasdiqlovchi hujjat bundan mustasno) skaner qiladi, Tizimga kiritadi va ularni ariza
beruvchiga qaytarib beradi, bundan toʻldirilgan soʻrovnoma mustasno.
Ariza ariza beruvchi tomonidan imzolanganidan soʻng roʻyxatdan oʻtkazuvchi organ masʼul
xodimi tomonidan Tizimga kiritilgan roʻyxatdan oʻtkazish maʼlumotlari buzib koʻrsatilgan, oʻzgartirilgan
va (yoki) qonunchilik talablariga nomuvofiq boʻlgan taqdirda roʻyxatdan oʻtkazuvchi organ javob beradi.
Tizim, roʻyxatdan oʻtkazuvchi organ masʼul xodimi ushbu Kodeksning 130-moddasida nazarda
tutilgan muddatlarda tegishlicha ushbu Kodeksning 132-moddaning oʻn yettinchi va 133-moddaning
toʻqqizinchi va oʻn ikkinchi qismlarida nazarda tutilgan harakatlarni amalga oshiradilar.
137-modda. Taqdim etilgan maʼlumotlar va hujjatlarni haqiqiyligi yuzasidan javobgarlik
Roʻyxatdan oʻtkazuvchi organlar davlat roʻyxatidan oʻtkazish, davlat roʻyxatidan qayta oʻtkazish
uchun taqdim etilgan maʼlumotlar va hujjatlar haqiqiyligini tekshirishni amalga oshirmaydilar,
shuningdek ularning toʻgʻriligi hamda qonunchilik hujjatlariga nomuvofiqligi uchun javob bermaydilar.
Ariza beruvchilar roʻyxatdan oʻtkazuvchi organga taqdim etilgan maʼlumotlarning toʻgʻriligi,
aniqligi, buzib koʻrsatilganligi, shuningdek taʼsis hujjatlarining qonunchilik hujjatlariga muvofiqligi
uchun javob beradilar.
Tizimdan oʻz manfaatlari yoki uchinchi shaxslar manfaatlarida foydalangan roʻyxatdan
oʻtkazuvchi organ, vakolatli tashkilot xodimlari qonun hujjatlariga muvofiq javob beradilar.