Лойиҳа Ўзбекистон республикаси адлия вазирлиги тошкент давлат юридик университети

1.3.Рақобат ҳуқуқининг замонавий бозор муносабатларидаги 
аҳамияти 
 
Замонавий шароитда бозор муносабатларининг самарали 
ривожланиши иқтисодий муносабатларни тартибга солувчи 
қонунчилик 
тизимининг 
сифатига 
боғлиқдир. 
Иқтисодий 
муносабатларнинг соғлом ҳамда барқарор бўлишини таъминлаб 
берувчи омиллардан бири бу рақобатдир. Бугунги кунда 
мамлакатимиз товар ва молия бозорларида рақобатнинг амал 
қилишини таъминлаш мақсадида қабул қилинган норматив-
ҳуқуқий ҳужжатлар тизими яратилган ҳамда улар ҳозирги кунда 
ҳам такомиллаштирилмоқда.
Жаҳон бозорларида рақобат тобора кучайиб бораётган бугунги 
шароитда иқтисодиётимизнинг рақобатдошлигини тубдан ошириш, 
экспортга 
маҳсулот 
чиқарадиган 
корхоналарни 
қўллаб-
қувватлашни кучайтириш, фермер хўжаликлари, кичик бизнес ва 
хусусий тадбиркорлик субъектларининг экспорт фаолиятидаги 
иштирокини ҳар томонлама рағбатлантириш устувор аҳамият касб 
этади
16
. 
Рақобатнинг бир қатор ижобий хусусиятлари мавжуд бўлиб, у 
қуйидагиларда намоён бўлади: 
биринчидан
, бозор талабларига жавоб бермайдиган товарлар, 
ишлар, хизматлар сифат ва нарх жиҳатдан талабга жавоб бермаса 
ўз-ўзидан бозорни тарк этади. Бу орқали рақобатнинг 
соғломлаштириш функцияси намоён бўлиб, рақобатбардош 
бўлмаган субъектлардан бозор тозаланади; 
иккинчидан
, рақобат рағбатлантириш хусусиятига эга. Бунда 
рақобатлашувчилар нисбатан яхшироқ сифат ва мутаносиб нархни 
шакллантириш учун тинимсиз равишда ўз товарлари(ишлар, 
хизматлар)нинг сифатини яхшилашга интилади. Шуни қайд этиш 
лозимки, 
кўпчилик 
ҳолатларда, 
маъмурий 
таъсир 
этиш 
воситаларига нисбатан хўжалик юритувчи субъектларнинг ўзаро 
16
Бош мақсадимиз - мавжуд қийинчиликларга қарамасдан, олиб бораётган ислоҳотларни, 
иқтисодиётимизда таркибий ўзгаришларни изчил давом эттириш, хусусий мулкчилик, кичик бизнес ва 
тадбиркорликка янада кенг йўл очиб бериш ҳисобидан олдинга юришдир // Ўзбекистон Республикаси 
Президенти Ислом Каримовнинг мамлакатимизни 2015 йилда ижтимоий-иқтисодий ривожлантириш 
якунлари ва 2016 йилга мўлжалланган иқтисодий дастурнинг энг муҳим устувор йўналишларига 
бағишланган вазирлар маҳкамаси мажлисидаги маърузаси. 16.01.2016. 
http://uza.uz/uz/politics/
 

---

32 
рақобати товарнинг нархи ва сифатига самаралироқ таъсир 
кўрсатади;