Лойиҳа матни 13508-(15737)

10-боб. Коммуникацияларни қуриш, таъмирлаш, реконструкция
қилиш ишларини муддатида бажариш
95. Магистраль кўчаларнинг қатнов қисми остида босимли коммуникацияларни ўтказишга йўл

---

project.gov.uz
08.05.2020
64
қўйилмайди.
96. Ишлаб турган ер ости коммуникацияларини реконструкция қилишда уларнинг магистраль
кўчаларининг қатнов қисми остидан олиб чиқилиши лозим.
97. Ер ости коммуникацияларини ўтказишда ўтиш коллекторларини қуриш лозим.
Коллекторларни лойиҳалаштириш тармоқларни ривожлантириш истиқболларини ҳисобга олиб,
амалга оширилади.
98. Кўчаларнинг қатнов қисми, ўтиш жойлари остида, шунингдек йўлаклар остида ер ости
коммуникацияларни ўтказиш хандақ энидан қатъи назар, бутун кенглик бўйича автойўл
(йўлак)нинг қатнов қисмини тиклаш шарти билан тегишли ташкилотлар томонидан йўл қўйилади.
Қатнов қисми остида жойлашган конструкциялар, ер ости коммуникацияларда ғиштни қўллашга
йўл қўйилмайди.
99. Ковлаш бўйича ишларни бошлашдан олдин албатта, келишилган схема бўйича йўл белгилари
ўрнатилади, ишларни бажариш жойи атрофи тўсилади, тўсиқларда ишларни бажараётган
ташкилот номи, ишларни бажариш учун масъул шахс фамилияси, ташкилотнинг телефон рақами
ёзилган лавҳача осиб қўйилади.
Тўсиқларни озода ҳолда сақлаш лозим, қатнов қисми яқинида ишларни бажаришда ҳайдовчилар
ва пиёдалар учун кўринишликни таъминлаш, куннинг қоронғи вақтида қизил сигнал
байроқчалари билан белгилаш лозим.
Тўсиқлар яхлит ва ишончли, қурилиш майдончасига бегоналарнинг киришини олдини оладиган
қилиб бажарилади.
Хандақлар орқали оммавий пиёда оқимлари йўналишларида бир-биридан
200 метр масофада тахта кўприк ўрнатиш лозим.
100. Зарурат бўлганида ўрнатилган тартибда яшил дарахтларни олиб ташлаш ёки бошқа жойга
кўчириш ишлари амалга оширилади. Ер ости коммуникацияларини таъмирлаш ёки реконструкция
қилишда рухсат берилганидан камроқ масофада коммуникация ўтказилгандан сўнг экилган яшил
дарахтларни олиб ташлаш зарурати туғилган тақдирда ушбу дарахтларнинг қиймати
қопланмайди.
101. Рухсатномада ишларни бажариш муддатлари ва шартлари кўрсатилади.
102. Ер ишларини бошлашдан аввал қурилиш ташкилоти ўз коммуникациялари ҳолатини жойида
аниқлаши ва ишлар бажарилишининг алоҳида шартларини ёзма равишда қайд қилиши шарт
бўлган эксплуатация хизматлари вакилларини жойига чақириши лозим.
Алоҳида шартлар ер ишларини бажараётган қурилиш ташкилоти томонидан сўзсиз бажарилиши
лозим.
103. Вакил келмаган ёки коммуникацияларни аниқ жойлашувини кўрсатишдан бош тортган 
тақдирда тегишли далолатномани тузиш лозим. Бу ҳолда ишларни олиб бораётган ташкилот
топографик асосда кўрсатилган коммуникациялар ҳолатига таянади.
104. Кўчанинг қатнов қисмида ишларни бажаришда асфальт ва шағал хандақ чегарасида иш
бажарувчиси томонидан ажратилади ва махсус ажратилган жойга олиб чиқиб кетилади.
Бордюр қисмларга ажратилади ва кейинчалик ўрнатиш учун ишларни бажариш жойида
жойлаштирилади.

---