Лойиҳа матни 13508-(15737)

project.gov.uz
08.05.2020
42
шаклида овозли маълумотларни қўшимча равишда тақдим этади.
257. Ногиронлиги бўлган шахсларнинг фаол дам олиши учун махсус жойлар туркумлаштирилган
ҳолда ягона мажмуага бирлаштирилади. Мазкур ҳудудларнинг жиҳозланишида машғулотларнинг
хавфсизлигини таъминлаш, кўришда нуқсони бўлган шахслар учун эса ҳудудда мўлжал олиш
имкониятини таъминлаш муҳим. Бунинг учун атроф-муҳит ранг, тўқима, ёруғлик жиҳатидан
етарли даражада хилма-хил бўлиши керак.
258. Ногиронлиги бўлган шахсларнинг эҳтиёжларига мослаштирилган қулай дам олиш муҳитини
шакллантириш, улар учун дам олиш ҳудудининг барча элементларини қамраб оладиган узлуксиз
алоқа инфратузилмасини яратиш лозим. Мавжуд пиёдалар йўлакчалари дам олиш жойлари,
визуал, овозли, сенсорли ва бошқа мўлжал олиш қурилмалари, ахборот ва сигнализация
воситалари, шунингдек вертикал алоқа воситалари (лифтлар, эскалаторлар) билан жиҳозланиши
керак.
Маданий ва кўнгилочар объектларда ногиронлиги бўлган шахслар учун махсус тутқичлар,
лифтлар, сигнал қурилмалари, кўриш ва эшитишда нуқсони бўлган шахслар учун визуал
кўрсатмалар ва махсус жойлар, автомобилдан чиқмасдан хизматни олиш имконини берувчи
махсус объектлар, машиналар учун махсус жойлар, махсус ҳожатхоналар, ногиронлик
аравачалари ва қулай баландликда жойлашган таксофон ва почта қутилари бўлиши керак.
259. Ногиронлиги бўлган шахслар томонидан атроф-муҳитни ўзлаштириш, шу жумладан,
мослаштирилмаган ҳудудларни ўзлаштириш, уларнинг ҳаракатланиши учун қулай шарт-
шароитларни (аравачалар, автомобиллар, механик ва электрон мосламалар, протезлар ва ҳ.к.)
таъминлайдиган якка имкониятларини оширадиган техник воситалардан фойдаланиш ҳисобига
амалга оширилади.
260. Шаҳарларда дам олиш жойларини ташкил этишда ногиронлиги бўлган шахслар учун ҳам
қулай шароит яратилган бўлиши керак, жумладан:
ногиронлиги бўлган шахсларнинг яшаш жойлари ҳудудида (шаҳар атрофида), улар учун
ихтисослаштирилган объектларда (ижтимоий ёрдам марказлари, стационар ижтимоий хизмат
кўрсатиш муассасалари ва бошқалар);
туман ва шаҳар аҳамиятига эга жамоат биноларида, майдонларда, боғларда;
маданий ва кўнгилочар муассасалар, савдо марказлари ва бошқа шаҳар аҳамиятига эга
объектларда, шаҳар боғлари ва боғга айлантирилган дарахтзорларда.
261. Маҳаллий ҳудудлар (даҳалар, маҳаллаларни қайта таъмирлаш ёки унинг ҳудудини яхшилаш
учун биринчи навбатда ногиронлиги бўлган шахслар ва шу ҳудудда муқим яшайдиган аҳоли
гуруҳлари учун кунлик дам олиш ва ўзаро мулоқот қилиш, табиий муҳит билан эркин
муносабатда бўлиш, жисмоний тарбия ва соғломлаштириш машғулотларини ўтказиш учун эркин
ҳаракат қилиш имкониятини яратиш керак.
Комплекс тарзда қайта таъмирлаш ва ободонлаштириш лойиҳаларида қуйидагилар:
уй-жой ва турар-жойларни қайта қуришда алоҳида ажратилган яшил майдонларнинг мавжуд
бўлиши;
ногиронлиги бўлган шахсларнинг дам олиши, ўзаро мулоқот қилиши, ҳаваскорлик ва жисмоний
тарбия машғулотлари билан шуғулланишига мослаштирилган майдонларнинг махсус зарурий
жиҳозлар билан жиҳозланиши;
пиёдалар йўллари ва уй-жой биноларига кириш қисмини қайта таъмирлаш;

---