Лойиҳа матни 13508-(15737)

project.gov.uz
08.05.2020
24
5-боб. Жамоатчилик ҳудудларини ободонлаштириш
1-§. Умумий қоидалар
137. Жамоатчилик ҳудудларида ободонлаштиришни меъёрлаштириш объектларига аҳоли
пунктларининг жамоат жойлари, жамоат биноларининг ҳудудлари киради. Улар жамоатчилик
ҳудудларини барча турларини (умумшаҳар ва локал аҳамиятга эга бўлган марказлар, туман
(шаҳар)нинг кўп тармоқли, магистраллар ёнидаги ва ихтисослаштирилган жамоат ҳудудларини)
шаклантиради.
2-§. Жамоат жойлари
138. Жамоат жойларига пиёдалар коммуникациялари, пиёдалар учун мўлжалланган ҳудудлар,
фаол ташриф буюрилган жамоат бинолари қурилиши участкалари, аҳоли пунктлари, магистраллар
ёнидаги ва кўп тармоқли ҳудудлар, умумшаҳар ва маҳаллий аҳамиятга эга бўлган марказларнинг
таркибида жойлашган ободонлаштириш участкалари киради.
139. Савдо, маданият, санъат, таълим муассасалари каби жамоат бинолари жамоат жойлари
ҳудудидаги кўкаламзорлаштириш майдончаларини гулзор, газон, якка, гуруҳли, қаторли экинлар,
кўкаламзорлаштиришнинг вертикал, кўп қаватли, кўчма шакллари кўринишида
лойиҳалаштирилади.
140. Жамоат жойлари ҳудудида декоратив-амалий санъат асарлари, декоратив сув қурилмаларини
жойлаштириш лозим.
Пиёдалар ҳудудлари ва коммуникациялари ҳудудида ташқи реклама воситалари, майда чакана
савдо, маиший хизмат ва овқатланиш иншоотлари, тўхташ павильонлари, ҳожатхоналар
жойлаштирилган бўлиши мумкин.
141. Жамоат бинолари қурилиши участкалари ҳудудида (объектлар олди ҳудудлари мавжуд
бўлганда) тўсиқлар ва ташқи реклама жойлаштирилиши мумкин. Участкаларни тарихий, қуриб
битган қурилиш, туман (шаҳар)нинг жамоат марказлари таркибида жойлаштиришда стационар
кўкаламзорлаштириш мавжуд бўлмаслигига йўл қўйилади.
3-§. Жамоат бинолари ҳудудлари ва махсус ҳудудлари
142. Жамоат биноларининг олд қисмида ҳудудлар мавжуд бўлганда қаттиқ қоплама турлари,
юзаларни туташтириш элементлари, кўкаламзорлаштириш, чиқинди қутилари ёки чиқинди
ташланадиган контейнерлар, ёритиш мосламалари, муассасаларнинг ахборотини ташувчи
воситалар лойиҳалаштирилиши мумкин. Фуқароларни қабул қилиш билан боғлиқ бўлган
муассасалар учун мажбурий равишда ўриндиқлар жойлаштирилиши лозим.