Лойиҳа матни 13508-(15737)

2-§. Турар-жой қурилиши участкалари
148. Турар-жой қурилиши участкаларини ободонлаштирилишини лойиҳалаштиришда уйнинг
олдидаги ҳудуддан фойдаланишнинг жамоавий ёки якка тусини ҳисобга олган ҳолда амалга
ошириш лозим. Бундан ташқари, турар-жой бинолари тарихий қурилиш участкалари таркиби,
қурилиш зичлиги юқори ҳудудлар, магистраллар бўйлаб, реконструкция қилинаётган ҳудудларда
жойлашганида, уларни ободонлаштиришнинг ўзига хос томонларини ҳисобга олиш зарур.
149. Кўп хонадонли уйлар олдидаги ҳудуддан жамоавий фойдаланиладиган турар-жой қурилиши
участкаси ҳудудида транспорт йўлаги (йўлаклари), пиёдалар коммуникациялари (асосий, иккинчи
даражали), майдончалар (болалар ва катталар дам олиш майдончалари, чиқиндиларни йиғиш
мосламаларини ўрнатиш, автомобиль тўхташ жойлари учун), кўкаламзорлаштирилган майдонлар,
агарда участка ҳудудининг ўлчамлари имкон берса, майдон чегараларида спорт майдончалари ва
мактаб ёшидаги болаларнинг ўйнашлари учун майдончалар, итларни сайр қилдириш

---

project.gov.uz
08.05.2020
26
майдончаларини жойлаштириш лозим.
150. Жамоавий фойдаланиладиган ҳудуддаги ўтиш жойи қопламасининг қаттиқ турлари,
майдончалар қопламаларининг турлари, юзаларни туташтириш элементлари, майдонча
жиҳозлари, кўкаламзорлаштириш, ёритиш мосламалари турар-жой қурилиши участкасининг
ободонлаштириш элементлари мажбурий рўйхатига киради.
Турар-жой участкасини кўкаламзорлаштиришни (уйнинг олдидаги кўкаламзорлаштириш
полосалари) турар-жой биноси ва ўтиш жойи атрофида шакллантирилади. Жумладан, уйнинг
олдидаги полосаларда – гулзорлар, газонлар, печак кўринишидаги ўсимликлар, буталарнинг, унча
баланд бўлмаган алоҳида турувчи дарахтларнинг ихчам гуруҳлари; участканинг қолган ҳудудида
кўкаламзорлаштиришнинг эркин композициялари ва турли хил усулларидан фойдаланиш мумкин.
151. Тарихий қурилиш зичлиги юқори бўлган ҳудудларда, магистраллар бўйида, реконструкция
қилинаётган ҳудудларда жойлашган турар-жой участкаларининг ободонлаштиришни шаҳарсозлик
ва уларнинг жойлашиштириш талабларини ҳисобга олган ҳолда лойиҳалаштириш зарур.
Ёдгорликлар қўриқланадиган ҳудудларда ободонлаштириш ишларини лойиҳалаштириш
қўриқланадиган ҳудудларнинг режимлари ва қурилишнинг типологик хусусиятларига мувофиқ
амалга оширилади.
Реконструкция қилинган яшаш ҳудудларида касалликка чалинган ва заифлашган дарахтларни
олиб ташлаш, соғлом дарахтларни ҳимоя қилиш ва безаш, режалаштирилмаган биноларни
(омборлар, саройлар, гаражлар) йўқ қилиш, ва ободонлаштиришнинг эскирган элементларини
маънавий ва жисмоний алмаштириш керак.