Лойиҳа матни 13508-(15737)

project.gov.uz
08.05.2020
39
240. Ногиронлиги бўлган шахслар учун ибодатхоналарга кира олиш имкони бошқа жамоат
бинолари сингари таъминланади. Пиёдалар йўлларининг қўшни кўчаларнинг қатнов қисми билан
хавфсиз кесишишини ташкил этишга, ёндошувлар ва майдонларнинг шаклланишига, шунингдек
ибодатхоналарга киришга алоҳида эътибор берилиши керак.
241. Ҳар қандай тоифадаги ногиронлиги бўлган шахслар учун аҳолини ижтимоий ҳимоя
қилишнинг барча институтлари, шунингдек, давлат ва муниципал муассасалар иложи борича
шаҳар марказлари яқинида жойлаштирилиши керак. Туман ҳудудида ногиронлиги бўлган
шахслар учун махсус турар-жойлар мавжуд бўлса, уларни ушбу уйларга яқинлаштириш керак.
Бундан ташқари, ижтимоий ҳимоя муассасалари шаҳар маъмурияти, туман операцион бўлимлари
билан блокланиши, уларнинг таркибига ногиронлиги бўлган шахсларнинг туман жамиятлари
бўлимларини киритиш мақсадга мувофиқ. Бу ҳолатларда ижтимоий норматив меъёрларни ҳисобга
олиш керак.
242. Ногиронлиги бўлган шахслар учун реабилитация қилиш марказларининг сони ва қуввати
ҳақиқий эҳтиёжлардан келиб чиққан ҳолда ( ҳудуддаги муҳтожлар сонига қараб) ёки мавжуд
ҳудудий меъёрлар асосида белгиланади.
Ногиронлиги бўлган ва катта ёшли шахслар учун пансионат-уйлар жойлашиши жойларини
танлашда, дастлабки хизмат кўрсатиш муассасаларидан фойдалана олиш имконини (агар улар
интернат ҳудудида бўлмаса) 300 м дан ошмайдиган масофада таъминланади.
243. Жамоат ҳожатхоналари 1 минг кишига 1 та қурилма ҳисобидан келиб чиқиб, одатда уларнинг
ичида ногиронлиги бўлган шахслар учун битта кабина билан жиҳозланади. Уларнинг жойлашуви
махсус белгига эга бўлиши керак. Ер ости ҳожатхоналарини ташкил қилишда кўтаргич ёки пандус
қуриш лозим.
244. Ихтисослаштирилган мактабгача болалар муассасалари ва жисмоний нуқсонли болалар учун
мактаб-интернатлари кўкаламзорлаштирилган ҳудудларда ёки шаҳар ташқарисида амалдаги
меъёрларга мувофиқ саноат корхоналари, кўча ва йўллар оғир бўлган транспорт ва темир йўллари,
шунингдек шовқин, ҳаво ва тупроқ ифлосланишининг бошқа манбаларидан узоқда
жойлаштирилиши лозим. Кўриш ва эшитишда нуқсони бўлган болалар учун ихтисослаштирилган
мактаб-интернатлар радиостанциялардан, радио-реле қурилмалари ва пультлардан камида 1500
метр масофа узоқда жойлашиши керак.
245. Шаҳар муҳитини ногиронлиги бўлган шахсларнинг эҳтиёжлари учун мослаштиришни
максимал даражада ошириш учун, ҳудудни реконструкция қилишдан олдин, мавжуд ҳолатни
баҳолаш, ривожланиш захиралари ва эҳтиёжларини аниқлаш бўйича ишларни бажариш керак.
Бунда:
реконструкция қилинган ҳудудда ногирон шахсларнинг кўчирилишини баҳолаш ва ногиронлиги
бўлган шахсларни янги уйга эҳтиёжларини аниқлаш лозим. Ресурслар чекланган ҳолларда
маҳаллий ҳаракатларнинг уй-жой муҳитини тартибга солишга ва хизмат кўрсатиш объектларига
тўсиқларсиз йўлларни беришга устувор аҳамият берилиши керак;
мавжуд иншоотларни “инвентаризация қилиш” ва “сақланган” объектларни аниқлаш;
қайта қуриш турини ва шунга мос равишда объектларнинг тузилишига ўзгартириш киритиш
имкониятини аниқлаш;
ногиронлиги бўлган шахслар учун реконструкция қилинган муҳитни мослаштириш чораларини
ишлаб чиқиш.

---