Лойиҳа матни 13508-(15737)

project.gov.uz
08.05.2020
13
жиҳознинг тутқичлари болалар қўлини тўлиқ қамраб олиши керак;
ички майдонининг чуқурлиги 2 м.дан ошиқ бўлган ўйин жиҳозлари мажмуаларида болаларга
шошилинч ёрдам кўрсатиш учун, ичкарига кириш имкониятини таъминловчи диаметри камида
500 мм бўлган тешиклар (камида иккита) бўлиши керак.
70. Спорт жиҳозлари аҳолининг барча ёш гуруҳлари учун мўлжалланган бўлиб, спорт, жисмоний
тарбия майдончаларига ёки ҳордиқ чиқариш таркибидаги махсус жиҳозланган пиёдалар
коммуникацияларида (саломатлик йўлакларига) жойлаштирилади. Махсус жисмоний тарбия
ускуналари ва тренажёрлар кўринишидаги спорт жиҳозлари заводда тайёрланган бўлиши ҳам,
шунингдек жароҳат олишни истисно этувчи (ёриқлар, синиқлар ва ҳ.к. йўқлиги) махсус ишлов
берилган юзали ғўла ва ходалардан ишланган бўлиши ҳам мумкин. Жойлаштиришда
сертификатланган жиҳозлар каталогига амал қилиш лозим.
7-§. Ёритиш ва ёритиш ускуналари
71. Ёритиш мосламаларининг учта асосий гуруҳи (функционал, архитектуравий ёритиш, ёруғлик
ахбороти) нинг ҳар бирини лойиҳалашда қуйидагиларни таъминлаш зарур:
турар–жойларни сунъий ёритиш ва очиқ архитектуравий ёритишнинг амалдаги меъёрларида кўзда
тутилган миқдорий ва сифат кўрсаткичлари;
электр қурилмаларини ўрнатиш қурилмаларнинг ишончлилиги, хизмат кўрсатувчи ходимларнинг
хавфсизлиги ва зарур ҳолларда, ташқи таъсирлардан ҳимоя қилинганлиги;
қўлланиладиган қурилмаларнинг тежамкорлиги ва энергия самарадорлигини инобатга олиш,
жумладан қуёш батареяларидан фойдаланиш, электр қувватининг оқилона тақсимланиши ва
ишлатилиши;
ёритиш қурилмалари элементлари эстетикаси, уларнинг дизайни, материаллар ва
маҳсулотларнинг сифати, кундузги ва тунги вақтда қабул қила олишни ҳисобга олиш;
қурилмалар ишининг турли режимларида хизмат кўрсатиш ва бошқаришнинг қулайлиги.
72. Функционал ёритишда транспорт ва пиёдалар ҳаракатланадиган ҳудудлардаги йўл
қопламалари ва бўшлиқларини ёритишни стационар қурилмалар орқали амалга оширилади.
Функционал ёритиш қурилмалари оддий, баланд мачтали, парапет, газонли ва қурилган турларга
бўлинади.
Оддий қурилмаларда ёритгичлар 3 м.дан 15 м.гача баландликда устунларга (ўраб олувчи,
консолли), осма ёки фасадларга жойлаштирилади.
Баланд мачтали қурилмаларда ёритиш мосламалари (прожекторлар ёки лампалар) ни 20 метр ёки
ундан ортиқ баландликда таянч устунларга жойлаштириш керак. Бу мосламалардан катта
майдонлар, йўл кесишмалари ва автомобиль йўллари, очиқ автотураргоҳларни ёритишда
фойдаланилади.
73. Парапетли мосламаларда ёритгичларни баландлиги 1,2 метр бўлган, йўл ўтказгичларининг
қатнов қисми, кўприклар, ўтиш жойлари, пандуслар, кесишмалар, шунингдек пиёдалар йўлаклари
ва майдонларини ўраб турадиган парапетда чизиқ ёки узилган чизиқ кўринишида қурилади.
74. Газон ёритгичлари газонлар, гулзорлар, пиёдалар йўлаги ва майдончаларни ёритиш учун

---