Лойиҳа матни 13508-(15737)

4-§. Тўсиқлар

---

project.gov.uz
08.05.2020
10
54. Ободонлаштириш мақсадида, туман (шаҳар) ҳудудида турли хил тўсиқлардан фойдаланилади.
Бу тўсиқлар мўлжалланганлиги (декоратив, ҳимоя, уларнинг комбинацияси), баландлиги
(паст–0,3–1,0 м, ўртача–1,1–1,7 м, баланд – 1,8–3,0 м), материал тури (металл, темир–бетон ва
бошқалар), кўриш учун ўтказувчанлик даражаси (шаффоф, ёпиқ), стационарлик даражаси
(доимий, вақтинчалик, кўчма) бўйича фарқланади.
55. Тўсиқларнинг жойлашуви ва мақсади, сертификатланган маҳсулотларнинг каталоглари,
алоҳида лойиҳалаштириш лойиҳаларига қараб лойиҳалаштирилади.
Тарихий-маданий мерос ёдгорликлари жойлашган ҳудудларни тўсиш ишлари ушбу ҳудудларни
муҳофаза қилиш бўйича норматив ҳужжатларга асосан амалга оширилади.
Жамоат, турар-жой, дам олиш жойларида ёпиқ ва темир-бетон тўсиқларни лойиҳалаштириш
тақиқланади. Декоратив металл тўсиқлар қўлланилиши зарур.
56. Газонларнинг ўтиш жойлари, автотранспортнинг тўхтаб туриш жойларига туташган жойлар,
автомобилларнинг газонга чиқиб кетиш эҳтимоли мавжуд бўлган ва газон орасидан босиб ўтиб
йўл ҳосил қилинган жойларда, баландлиги камида 0,5 м бўлган металл ҳимоя тўсиқлар кўзда
тутилиши керак. Тўсиқлар газон ҳудудида, туташиш чегарасидан 0,2–0,3 м масофада
жойлаштирилган бўлиши керак.
57. Ер ости иншоотлари билан кесишиш жойларида ўртача ва баланд турдаги тўсиқларни
лойиҳалашда, таъмирлаш ёки қурилиш ишларини бажаришга имкон берувчи ҳимоя
конструкцияларини кўзда тутиш лозим.
58. Пиёдалар жадал ҳаракатланадиган жойлар ёки қурилиш ва реконструкция ишлари олиб
бориладиган ҳудудларда дарахтлар ўсиб турган тақдирда, бошқа ҳимоя турлари бўлмаганда,
дарахтнинг ёши, тури ва бошқа хусусиятларга қараб унинг танасига яқин жойлаштириладиган
баландлиги 0,9 м ёки ундан ортиқ, диаметри 0,8 м ва ундан кўп бўлган ҳимоя тўсиқлари бўлиши
керак.