Limi xodimlarini qayta tayyorlash va malakasini oshirish hududiy markazi

O`ZBEKISTON RESPUBLIKASI XALQ
TA’LIM VAZIRLIGI

SAMARQAND VILOYATI XALQ TA’LIMI XODIMLARINI QAYTA TAYYORLASH VA MALAKASINI OSHIRISH HUDUDIY MARKAZI

Kamola Suvanova
MAKTABDA TASVIRIY SAN’AT MASHG’ULOTLARINING TURLARI
УДК 74:75
ББК 85
M 20
Tuzuvchi: Suvanova K. Maktabda tasviriy san`at mashg`ulotlarining turlari. Umumta’lim maktablari tasviriy san’at fani o‘qituvchilari uchun uslubiy qo‘llanma. Samarqand 2018 yil, 95 bet.


Mas’ul muharrir: J.Eshquvqtov – Ilg’or tajriba va xalqaro hamkorlik ilmiy axborot tadqiqotlar bo’limi boshlig’i
Taqrizchilar: Oydinov Sh. – SamDU Maktabgacha ta’lim fakulteti tasviriy san’at va muhandislik grafika kafedrasi mudiri
Pardayev Z. XTXQTMO hududiy markazi Amaliy fanlar va maktabdan tashqari ta’lim metodikasi kafedrasi o’qituvchisi.


Uslubiy qo‘llanmada tasviriy san’atning nazariyasiga oid ko‘pgina ma’lumotlar, sharq miniatura san’ati namoyandalari, O‘zbekiston tasviriy san’ati, shuningdek, mustaqillik yillarida ijod qilgan rassomlar haqida ma’lumotlar to‘plangan. Ushbu qo‘llanma umumta’lim maktablarining tasviriy san’at o‘qituvchilari, san’at maktabining tasviriy san’at bo‘yicha to‘garak rahbarlari va tasviriy san’atga qiziquvchilar uchun mo‘ljallangan.

ISBN 978-9943-53-69-4-4

© K.Suvanova


Samarqand Viloyati XTXQTMO hududiy markazi Ilmiy-uslubiy kengashining 2019… yil … yig‘ilishida muhokama etilgan va ….. sonli qarori bilan nashrga tavsiya etilgan.


K. SUVANOVA


MAKTABDA TASVIRIY SAN`AT MASHG`ULOTLARINING TURLARI
Umumta’lim maktablari tasviriy san’at fani o‘qituvchilari uchun uslubiy qo‘llanma


SAMARQAND -2019
KIRISH
San’at, jumladan tasviriy san’atning jamiyat va insoniyat taraqqiyotidagi o‘rni beqiyosdir. Tasviriy san’atning shakllanish jarayoni ibtidoiy jamoa tuzumi davridan boshlab nihoyatda uzoq yo‘lni bosib o‘tdi.
Tasviriy san’at dunyoni, insonning go‘zallikka bo‘lgan intilishlarini teran fikrlashga undaydi. Xalqimizning tasviriy san’atga bo‘lgan qiziqishlari, mustaqil yurtimizni yanada go‘zal qilishga, uni estetik jihatdan boyitishga intilishlari benihoyadir.
Davlatimiz o‘zi shakllanayotgan murakkab bir davrda badiiy madaniyat taqdiri uchun mas’uliyatni zimmasiga olib, tasviriy san’at sohasiga alohida e’tibor qaratdi. 1997-yilda birinchi Prezidentimiz I.Karimov farmoni bilan O‘zbekiston Badiiy Akademiyasi tashkil etildi. Badiiy Akademiya zimmasida O‘zbekiston hududida shakllangan milliy san’atning turli maktablariga xos noyob an’analarni asrab-avaylash, o‘rganish va rivojlantirish; milliy tasviriy, amaliy, miniatyura san’ati durdonalarini ommalashtirish; zamon talabiga javob beradigan badiiy ta’lim tizimini yaratish; yuqori malakali kadrlar tayyorlash; akademik yo‘nalishdagi ilmiy-tadqiqot ishlarni rivojlantirish vazifasi turardi. O‘zbekiston Badiiy Akademiyasining samarali faoliyati natijasida mustaqillik yillarida o‘z asarlari bilan yurtimizni dunyoga mashhur qilgan rassomlar nomi ulug‘lanib, ularga yuksak e’tibor ko‘rsatildi. O‘zbekistonning boy madaniy merosga ega va yuksak badiiy yutuqlarga erishgan davlat sifatidagi mavqeini oshirish, tasviriy san’atni rivojlantirish uchun asos yaratildi. Mustaqillik davri rassomlari ijodi va asarlari tasviriy san’at kurslari mashg‘ulotlarida, san’at yo‘nalishidagi o‘quv yurtlarida chuqurroq o‘rgatiladi. Istiqlol tufayli ularning ijodi kengroq o‘rganilib, darsliklarga kiritilmoqda. O‘ylaymizki, ushbu uslubiy qo‘llanma tasviriy san’at o‘qituvchilari, o‘quvchi va talabalar foydalanishlari uchun muhim manba bo‘la oladi.