Lim vazirligi guliston davlat universiteti

Kimyo sanoati. Viloyat jami sanoat mahsulotining 12,2 foizini beradi yoki bu ko’rsatkich Respublikaning 1G’3 qismidan ortiqrog’ini tashkil etadi. Kimyo sanoatining yirik korxonalari qatoriga Chirchiq elektrokimyo kombinati, Olmaliq kimyo zavodi («Ammofos» birlashmasi), Yangiyo’l biokimyo zavodi, Oxangaron «Santexlit» plastmassa zavodi, Olmaliq maishiy kimyo zavodi, Angren «O’zbekrezi — natexnika» birlashmasi kiradi.
Viloyat kimyo sanoati korxonalarida azotli, fosforli mineral o’g’itlar, superfosfat kislotasi, kaprolaktam, etil spirti, rezina texnika mahsulotlari, plastmassa hamda maishiy kimyo mahsulotlari ishlab chiqariladi. 2000 yili 352 ming tonna mineral o’g’it ishlab chiqarilgan, jumladan, azotli o’g’itlar 302,7 ming tonnani tashkil etadi.
2000 yil yakunlariga ko’ra, viloyatda jami sanoat maxsulotining 10,5 foizi qurilish materiallari sanoatiga to’g’ri kelib, avvalgi yilga nisbatan o’sish ko’rsatkichiga ega. Ushbu sanoat majmui tarkibida asosan tsement, g’isht, kera­mika, shisha-oyna sanoatlari rivojlangan. Respublikadagi barcha tsement xom ashyosining qariyb yarmi, qoplama toshlarning 20 foiz, g’isht xom ashyosining 1G’4 qismi Toshkent viloyatida joylashgan.
Mavjud xom ashyo negizida Bekobod, Angren va Oxangaronda tsement kombinatlari, Angren keramika kombinati, Olmaliq, Chirchiq qurilish materiallari kombinati, Oxangaronda “qurilishplastmassa” kombinati, G’azalkent oyna zavodi hamda bir necha g’isht zavodlari ishlab turibdi. Ularda mamlakatda ishlab chiqarilgan tsementning katta qismi, shuningdek, shifer, asbotsement quvurlar, temir-beton konstruktsiyalari, sopol idishlar, fayans, plastmassa quvurlar, qurilish oynasi, sanitariya jixozlari va tosh plitalar ishlab chiqariladi.
Viloyat qurilish majmuida 2000 yili avvalgi yilga nisbatan 74,5 mln. shartli plita shifer, 112,3 ming tonna tsement ko’p ishlab chiqarilgan. Jumladan, Angrendagi «Kulol» aktsionerlik jamiyati 44,2 foiz, Oxangarondagi «Santexqo’yma» zavodi 55,5 foizga ko’p mahsulot ishlab chiqardi. Majmuadagi «Oxangaronshifer» OTAJ mahsulot ishlab chiqarish xajmini 64 foiz, Angren qurilish materiallari OTAJ 38,4 foizga o’stirdilar.
Engil sanoatning viloyat sanoat ishlab chiqarishidagi xissasi 16,1 foizni (2000 yil) tashkil etadi. Engil sanoatning paxta tozallik to’qimachilik, tikuvchilik, kun-poyabzal, kanopni qayta ishlash tarmoqlari rivojlangan. 2000 yilda viloyat paxta tozalash sanoati 801 ming tonna paxta tolasi ishlab chiqdrgan. Paxta tozalash zavodlari Chinoz, Bekobod, Oqqo’rg’on, Pskent, Yangiyo’l tumanlarida joylashgan. Yuqori Chirchiq va Quyi Chirchiq tumanlarida kanop zavodlari qurilgan. To’qimachilik sanoatining yirik korxonasi Janubiy Koreya bilan hamkorlikda qurilgan «Kobul—Tuytepa tekstil» qo’shma korxonasidir. Chirchiqda tikuvchilik, poyabzal, Yangiyo’lda poyabzal, Olmaliqda gilam fabrikasi majud. Chirchiq va Chinozda xorijlik investorlar bilan hamkorlikda «Kibobolalar» hamda «Chinoz—tuqimachi» qo’shma korxonalari qurilgan.
Viloyatda oziq-ovqat sanoatining ulushi 11,8 foizni tashkil kiladi. Bu erda, go’sht, sut, o’simlik moyi, meva-konserva, un-non, konditer, alkogolsiz ichimliklar korxonalari mavjud. Jumladan, Olmaliq, Angren, Bekobod, Chirchiq, Yangiyo’l go’sht kombinatlari, Angren, G’azalkent, Chirchiq sut zavodlari, Yangiyo’l yog’-moy kombinati va konserva zavodi, Yangiyo’l «Lazzat» qandolatchilik birlashmasi, Olmaliqda pivo-sharob, Qibrayda alkogolsiz ichimliklar kombinatlari ishlab turibdi. Bu soxada bir qancha qo’shma korxonalar qurilgan.
2000 yili viloyatda 122,0 ming tonna un, 108,0 ming tonna non va non mahsulotlari, 9,4 ming tonna go’sht va go’sht mahsulotlari, 6,8 ming tonna sut va sut mahsulotlari, 68,6 million shartli banka meva-konserva, 16,7 ming tonna qandolat, 40 ming tonna omuxta em hamda 17,4 ming tonna tozalangan o’simlik moyi ishlab chiqarilgan.