Lim vazirligi guliston davlat universiteti

Asosiy muammolari. Namangan viloyati iqtisodiyotini takomillashtirishda uning sanoati, ayniqsa og’ir sanoat tarmoqlariga ustuvor ahamiyat bermoq zarur. Bu borada elektr energetika, mashinasozlikni rivojlantirish talab etiladi. Shuningdek, adir zonalarini o’zlashtirish, g’arbiy rayonlarni suv bilan yaxshi ta’minlash, mehnat resurslaridan to’laroq foydalanish ham muhim masalalardan hisoblanadi.
Viloyat iqtisodiyotining hududiy tarkibini takomillashtirishda esa Namangan shaxri rivojlanishini biroz chegaralab, boshqa rayonlarga katta urg’u bermoq maqsadga muvofiqdir. Bu jihatdan eng avvalo Chust shaxri iqtisodiy qudratini mustaxkamlash, Kosonsoy, Uchkurron kabi shaxarlarni o’sish nuqtasi sifatida qurish mumkin. Bundan tashqari, qishloq joylar ijtimoiy-iqtisodiy rivojlanishi, Jomashuy, Jakkulobod, Yangiqo’rg’on, Uychiga o’xshash tu­man markazlarining mavqeini yuksaltirish ham mahalliy iqtisodiyotni rivojlantirish va boshqarishda muhim axamiyat kasb etadi.
4-asosiy savol bayoni: Farg’ona viloyati O’zbekistonda eng oldin tashkil etilgan viloyatlardan biri hisoblanadi. U 1938 yil 15 yanvarda tuzilgan. Uning tarkibiga 15 qishloq tumanlari—Bog’dod, Beshariq, Buvayda, Dang’ara, Yozyovon, Oltiariq, Oxunboboev, Rishton, Suh Toshloq, Uchko’prik, Farg’ona, Furqat, Quva va O’zbekiston kiradi. Maydoni 6,76 ming km². Aholisi 3 mln. kishiga yaqin (11,0 foiz). Demografik sig’imi bo’yicha u Samaqand viloyati bilan birgalikda 2—3-o’rinlarni bo’lishib oladilar. Viloyatning ma’muriy markazi — Farg’ona shaxri (185 ming kishi).
Viloyat mamlakatimizda «yuki og’ir», ishlab chiqarish salohiyati yuksak bo’lgan mintaqalardan. U Respublikaning 12,7 sanoat va 10,6 foiz qishloq xo’jaligi mahsulotlarini beradi. Hududiy mehnat taqsimotida engil, oziq-ovqat, neft va neftni qayta ishlash, kimyo sanoati hamda paxta, pilla va meva etishtirish bilan ajralib turadi.
Mintaqa iqtisodiyoti yuksak shakllangan ko’p tarmoqli hududiy ishlab chiqarish majmuasini tashkil etadi va u bu jihatdan O’zbekistonda Toshkent viloyatiga o’xshab ketadi. Binobarin, mamlakat milliy iqtisodiyotining ravnaq topishida Farg’ona viloyatining salmokli o’rni bor.