Личинка хордалилар (Urochordata) ¸ки šобиšлилар (Tunicata) кенжа типи

230-rasm.Chala maymunlar vakilari: 1-qo`loyoq, 2-lemur vari,
3-uzuntovon, 4-ingichka lori.
Birinchi barmog’i boshqa barmoqlariga qarama-qarshi turmaydi. Tashqi ko`rinishidan olmaxonga o`xshab ketadi. Ular 30 kundan keyin uyani tashlab ketadi, asosan kunduzi faol bo`ladi.
Lemurlar (Lemuridae) oilasi vakillari, asosan tungi hayvonlar. Gavdasining uzunligi 12-46 sm, katta lemurning uzunligi 40 sm, dumining uzunligi esa 50 sm keladi. Boshining yuz qismi biroz kalta. Chala maymunlarning eng yirigi indri (Indri) hisoblanadi.
Indrilar Madagaskarning sharqiy qirg’oqlaridagi o`rmonlarda tarqalgan bo`lib, indri – mahalliy xalq tilida kichkina chol degan ma`noni bildiradi. Uning bo`yi 1 m gacha boradi, dumi reduktsiyaga uchragan, peshonasi qora rangda. Indrilar kunduzi faol bo`lib, 4-5 tadan bo`lib daraxtlarda yashaydi. 1 tadan bola tug’adi. O`simlikxo`r. Tipik vakillariga lemur vari (Varecia variegates) va mushuksimon lemur (L.catta) kiradi.
Qo`loyoqlar (Daubentoniidae) oilasining bitta Madagaskar qo`loyog’i yoki ay-ay (Daubentonia madagascariensis) turi bo`lib, ular Markaziy Madagaskarning qalin o`rmonlarida yakka-yakka yoki juft-juft bo`lib yashaydi. Uning uzunligi 40 sm,

dumining uzunligi 60 sm keladi. Tanasi qoramtir qalin jun bilan qoplangan. Ularning boshi katta, bo`yni kalta, qulog’i va ko`zi katta bo`lib, tunda faol. Bular «ay-ay» yoki «hay-hay» degan tovush chiqarishiga qarab, shunday nom berilgan. Qo`loyoqlar bambuk daraxti kovaklaridagi hasharotlar, ularning lichinkalari, qush tuxumlari va o`simliklar bilan oziqlanadi, 1 ta bola tug’adi.

Lorisidlar (Lorisidae) oilasi vakillari Afrika, Arabiston va Janubi-Sharqiy Osiyoda tarqalgan. Ular tropik o`rmon va savannalarda yashaydi. Hammaxo`r, ya`ni o`simlik va mayda hayvonlar bilan oziqlanadi.Tipik vakiliga ingichka lori (Loris tardigradus) kiradi.
Uzuntovonlar (Tarsiidae) oilasi vakillari o`ziga xos tuzilgan. Oldinga yo`nalgan, nihoyatda katta ko`zli, juda uzun orqa va kalta oldingi oyoqli, kalamushdan kattaroq hayvon. Barmoqlarida so`ruvchi yostiqchalari bor. Ular daraxtlarda yashaydi, asosan hasharotlar bilan oziqlanadi. Tunda faol. Malay arxipelagi orollarida tarqalgan. Vakili – arvoh uzuntovoni (Tarsius spectrum) hisoblanadi.